Acua Lunal

Acua licuida no pote esiste en la surfas de la luna, e vapor de acua es rapida descomposada par lumina de sol, e es perdeda a spasio. An tal, siensistes de pos la desenio de 1960 divina ce jelo de acua pote survive en crateres fria e con ombra permanente ce es trovada en la polos de la luna.

Acua, e la grupo cimical relatada idrosil (·OH), ance pote esiste en formas liada a sustantias lunal (en loca de acqua libre), e atestas monstra un indica forte ce esta es tal en consentras basa tra multe de la surfas de la luna. En fato, es pensada ce la acua asorbeda esiste en consentras de 10 a 1000 partes par milion.