Ризаев Марсел Ислеманан Хва
Ризаев Марсел Ислеманан хва (Испикви Марсел) (1984 йисан 29 апрель, СтӀал Сулейманан район, ЦӀийи Испик хуьр) — лезги зари.
| Ризаев Марсел | |
| Хайила ганвай тӀвар: | Ризаев Марсел Ислеманан хва |
|---|---|
| Хайи тарих: | 29 апрель 1984 (40 йис) |
| Хайи чка: | |
| Крарин жуьре: | зари, муаллим, жемиятдин кардар |
| Эсеррин чӀал: | лезги |
| Кирамдин эсерар | |
Умуьрдикай
Ризаев Марсел 1984 йисан 29 апрелдиз СтӀал Сулейманан райондин ЦӀийи Испикрин хуьре дидедиз хьанва. Гьеле хуьруьн мектебда кӀелзавай аял вахтарилай эгечӀна Марсел Ризаева вич хайи чӀалал, литературадал, тарихдал, медениятдал рикӀ алайди яз чирна. Гьа икӀ, 6-классда ада сифтегьан «Марф» шиир кхьена, 9-классдилай адан шиирар «Лезги газетдиз», гуьгъуьнлайни «Самур» журналдиз акъатиз хьана.
Университетда кӀелдай йисар жегьил заридин туькӀуьрунарин рекье мадни бегьер гъайибур хьана; кӀелунин сифтегьан йисарилай кьил кутуна Марсел Ризаев Дагъустандин газетринни журналрин карханайрихъ галаз кӀеви алакъайра хьана, интеллигенциядихъ галаз мукьувай таниш хьана. Алай чӀавуз Марсел Ризаева Испикрин хуьруьн мектебда лезги чӀаланни литературадин тарсар гузва, «Хважамжам» тӀвар алай литературадин кружокдин регьберни я. Райондин телевидениеда (КТВ) лезги халкьдин культурадиз, литературадиз, тарихдиз талукьарна лезги чӀалалди вич кирам яз «Ачух суьгьбет» тӀвар алай телегунугни арадал гъизва.
ЭлячӀунар
- Ризаев Марселан туькӀуьрунар
- «Алам» журнал: Испикви Марсел(кьейи элячӀун)
This article uses material from the Wikipedia Лезги чІал (Lezgi č’al) article Ризаев Марсел Ислеманан хва, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.