Керимрин Мурад Кериман Хва: Урусатдин гьукуматдин крархъан

Сулейман Керимован хтул (чӀехи стхадин гада) язва.

Кьведлагьай классдин кар ийизвай УФ-дин гьукуматдин советник я.

Мурад Керимов 1978-лагьай йисан 10-лагьай июлдиз Дербент шегьерда дидедиз хьана. Адан буба Керим Керимов духтур-офтальмолог тир.

1999-лагьай йисуз ада М. В. Ломоносован тӀварунихъ галай Москвадин гьукуматдин университетдин Юрколледж акьалтӀарна.

2000-лагьай йисуз ада И. М. Губкинан тӀварунихъ галай Нафтадинни газдин Урусатдин гьукуматдин университет акьалтӀарна.

2012-лагьай йисуз ада Урусатдин Федерациядин Президентдихъ галай Халкьдин майишатдинни гьукуматдин къуллугъдин Урусатдин академия акьалтӀарна.

2000-2010-лагьай йисарин къене ам Москва шегьердин прокуратурадин системада кӀвалахзвай тир.

12.2010 — 08.2011 — Юкьван федерал округда Росприроднадзордин Департамендин кьилин куьмекхъан тир, Москва.

2011-лагьай йисан август вацралай 2013-лагьай йисан мартдал кьван ам УФ-дин тӀебиатдин ресурсринни экологиядин рекьяй министрдин советник тир, Москва.

2013-лагьай йисан марта вацралай 2013-лагьай йисан сентябр вацрал кьван ам УФ-дин Президентдихъ галай физкултурани спорт вилик ракъурунин рекьяй Шурадин кӀвалах таъминвилин департаментдин кьилин эвез тир. Москва.

09.2013 — 03.2014 — Яргъал тир рагъэкъечӀдай патан федерал округда УФ-дин Президентдин патай тамам ихтиярар авай векилдин куьмекхъан тир, Хабаровск.

2014-лагьай йисан март вацралай 2016-лагьай йисан апрел вацрал кьван — Цин ресурсрин федерал агентвилин регьебердин эвез тир, Москва.

2016-лагьай йисан 30-лагьай апрелдиз ам УФ-дин тӀебиатдин ресурсринни экологиядин рекьяй министрдин эвездин чкадал тайинарна.