Владимир Петрдин Хва Холстинин: Урусатдин рок-музыкант

Адал «Холст» официал тушир лакӀаб ала. «Ария» хеви-метал-цӀвалин бине кутурбурукай сад тирди, адан кьилди сад тир дегиш тежер уртах я. Ада цӀвализ тӀвар теклифна. «Ариядин» композицийрин зурба паюнин автор я.

Владимир Петрдин хва Холстинин
Дидедиз хьайи чӀав	1958 йисан 12 май(1958-05-12) (65 йис.)
Дидедиз хьайи чка	Люберцы
Гьукумат	Урусат ва ССРГ
Пеше	гитарист, композитор ва музыкадин продюсер
Сайт	http://www.holstinin.ru/
Викигьамбарда авай шикилар

Владимир Холстинин 1958-лагьай йисан 12-лагьай майдиз Москва вилаятдин Луьберцар шегьерда дидедиз хьана.

4 йисан къене домра классдай кӀелна, гитарадал къугъваз вич жегьил тир чӀавалай гатӀумна, мектебдин ансамбл туькӀуьриз алахъзвай тир.

Адаз Black Sabbath, Iron Maiden, Deep Purple цӀваларин музыка кӀанзвай тир, амма рикӀ алайди хьиз ада Jethro Tull гьисабзавай тир.

Москвадин энергетикадин институт акьалтӀарна, адаз инженер-энергетикдин диплом ава.

МЭИ-да кӀелдайла ам Виталий Дубининахъ галаз чирхчир хьана, адахъ галаз 1976-лагьай йисуз Холстинина «Волшебные сумерки» группадин бине кутуна. Асул гьисабдалди абур маса уьлквейрин рок-группайрин манийрин кавер-версияр къугъвазвай тир, амма гуьгъуьнлай абуру чпин композициярни язвай тир.

1983-лагьай йисуз группа чкӀайдалай кьулухъ Владимирни Виталий кьведни Сергей Сарычеван (экс-«Круиз») «Альфа» группадик экечӀна. Абуру группадин садлагьай «Гуляка» альбом кхьена. Са арадилай, са шумуд концерт къугъвана, Сергей Серычева малумарна хьи адаз пешекарвилин сегьнедал физ кӀанзвач лагьана, гьавиляй гьарда вичиз вуч кӀантӀани авурай лагьана. Дубинин (бас) ва Сафонов (далдамар) группадай хъфена. Абурун чкадал Алик Грановский ва Игорь Молчанов атана. И ибаратди «Бега» альбом кхьена. Са тӀимил вахтунилай проектдикай Алик Грановский хкечӀна (са арадилай ада авурвал Холстининани Молчановани авуна), ам Виктор Векштейндин регьбервал ийизва «Поющие сердца» ВИА-дик ибаратдик акатна.

Гьа чӀавуз Холстининаз хеви-метал язвай группа туькӀуьриз кӀан хьана, адан пад Грановскийдини кьунва. 1985-лагьай йисуз абуру цӀийи цӀвал кӀватӀна, Холстининан теклифдалди адаз «Ария» тӀвар гана. Холстининдилайни Грановскийдилай гъейри, адан ибаратдик гьакӀни вокалист Валерий Кипелов, клавишник Кирилл Покровский ва далдамхъан Александр Львов акатзвай тир. Гуьгъуьнлай группадик кьведлагай гитарист Андрей Большаков экечӀна. Са арадилай «Ариядин» иштиракчийринни группа регьбер Виктор Векштейндин араяр чӀур хьана, гьавиляй Грановский, Большаков, Покровский ва Молчанов группадик хкечӀна, абуру чпин хсуси «Мастер» лугьудай цӀвал кӀватӀ хъувуна.