Беделов Фейруз Абумуслиман Хва
Беделов Фейруз Абумуслиман хва — тӀвар-ван авай лезги зари ва алим.
Беделов Фейруз Абумуслиман хва | |
|---|---|
| Дидедиз хьайи чӀав | 1948 йисан |
| Гьукумат | ССРГ ва Урусат |
1948 йисуз КцӀар райондин Дуьзтагьир хуьре дидедиз хьана. Ада юкьван мектеб ва Азербайжандин университет куьтягьна. Гзаф йисара Бакуда газетрин редакцийра кӀвалахна. Гуьгъуьнин йисара ада Дербент шегьерда "Юждаг" институтдин студентриз тарихдин тарсар ганва.
Ф. Беделов Лезгистандикай кхьенвай са жерге макъалайрин, очеркрин, гьикаяйрин, повестрин ва романдин автор я. Абур газетрин ва журналрин чинриз, кьилдин ктабар яз лезги, азербайжан ва урус чӀаларал акъатнава.
1993 йисуз Бакуда акъатай «Миф» романди заридин тӀвар машгьур авуна. Халкьдин кьисайрин бинедал алаз туькӀуьрнавай чӀехи эсердай лезгийрин тарих, адетар, ацукьун-къарагъун, философия ва маса патар аквазва. 1998 йисуз урус чӀалал алимди «Лезги халкьдин ва гьукуматдин тарих» чапдай акъудна.
Зари Лезги ва УФ-дин кхьирагрин садвалдин член я.
Эдебият
- Гьаким Къурбан «Лезги зарияр».
This article uses material from the Wikipedia Лезги чІал (Lezgi č’al) article Беделов Фейруз Абумуслиман хва, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.