Pelé: Brasiliansk politikar og fotballspelar (1940–2022)

oktober">23. oktober 1940–29. desember 2022), betre kjend som Pelé, var ein brasiliansk fotballspelar. Han vert av mange rekna som den beste fotballspelaren gjennom tidene. Pelé vart kåra av FIFA til den beste spelaren i verda i det 20. hundreåret.

Pelé

Personleg informasjon
Fullt namn	Edison Arantes do Nascimento
Fødd	23. oktober 1940
Fødestad	Três Corações
Død	29. desember 2022
Dødsstad	Morumbi District, Albert Einstein Israelite Hospital
Høgd	ca. 175cm.
Posisjon	Angrepsspelar
Nummer	10 - alltid.
Ungdomsklubbar
1952-1956	Bauru EC
Seniorkarriere*
År	Lag	Kampar (Mål)
1956-1974 1975-1977	Santos New York Cosmos	605 (589) 64 (37)
Landslag
1956-1971	Brasil	92 (77)
* Seniorklubbkampar og mål berre telt for nasjonal liga

Pelé starta å spele for Santos i 1956, 15 år gammal. Ti månadar seinare spela han den første landskampen sin. Under VM i Sverige i 1958 vart han verdsmeister for Brasil. Han var då berre 17 år gammal, den yngste verdsmeisteren i fotball nokon gong. Han vart verdsmeister med Brasil to gonger til, i 1962 og 1970. Han er den einaste spelaren som har vorte verdsmeister tre gonger.

Fram til 1974 spela han for den brasilianske klubben Santos. Han scora 1088 mål for klubben på 1114 kampar. Pelé enda karrieren i New York, der han frå 1974 til 1977 spela for New York Cosmos. 19. november 1969 scora han det tusende målet sitt på Maracanã. Då han la opp i 1977 etter 22 år som aktiv fotballspelar, hadde han scora i alt 1281 mål på 1363 kampar.

Pelé har eit kaffimerke oppkalla etter seg; Café Pelé, som vert seld i meir enn 50 land, også i Skandinavia.

Han vart i 1998 utnemnd til Honorary Knight Commander of the Order of the British Empire.

Pelé var son av fotballspelaren Dondinho (fødd Joao Ramos do Nascimento).

Pelé døydde den 29. desember 2022 etter lengre tids sjukdom. Han blei 82 år gammal.