Pelé: Futbolista brasileiro (1940–2022)
Edson Arantes do Nascimento, coñecido mundialmente como Pelé, nado en Tres Corações (Minas Xerais) o 23 de outubro de 1940 e finado en São Paulo o 29 de decembro de 2022, foi un xogador de fútbol brasileiro, considerado O Rei dese deporte.
Entre el, Diego Armando Maradona e Lionel Messi está o debate sobre quen é o mellor futbolista de tódolos tempos. O seu equipo do Santos marcou unha época e foi coñecido naquela como Os Santásticos. Pelé é o único xogador da historia en gañar tres mundiais. Deixou o fútbol en 1977, no Cosmos de Nova York.
| Pelé | |||
|---|---|---|---|
 | |||
| Información persoal | |||
| Nome | Edson Arantes do Nascimento | ||
| Nacemento | 23 de outubro de 1940 | ||
| Lugar de nacemento | Três Corações | ||
| Falecemento | 29 de decembro de 2022 | ||
| Lugar de falecemento | Morumbi e Hospital Israelita Albert Einstein | ||
| Altura | 1,73 m. | ||
| Posición | Centrocampista / Dianteiro | ||
| Carreira xuvenil | |||
| 1952–1956 | Bauru | ||
| Carreira sénior | |||
| Anos | Equipos | Aprs | (Gls) |
| 1956–1974 | Santos | 1120 | (1087) |
| 1975–1977 | New York Cosmos | 64 | (37) |
| Total | 1184 | (1124) | |
| Selección nacional | |||
| 1957–1971 | Brasil | 92 | (77) |
| Na rede | |||
| https://www.pele10.org | |||
              | |||
| Partidos e goles só en liga doméstica. [ editar datos en Wikidata ] | |||
Traxectoria
Debutou como profesional no Santos con só 15 anos. Dez meses despois foi convocado por vez primeira coa selección de Brasil. O mundo enteiro comezaría a admiralo pouco despois, cando gañou o Mundial de 1958, en Suecia. Na final Pelé fixo dous goles. No seguinte mundial, en Chile, no ano 1962 volvería a consegui-lo título de campión. En talvez o cumio da súa carreira foi o Mundial de México, en 1970. Tras un campionato sobresaínte, liderando un equipo considerado coma o mellor que xamais pisou un campo, a final volveu ser o seu mellor partido. Do 4-1 co que gañou a Italia, Pelé marcou un gol e pasou outros dous.
En 1974 decidiu finalizar a súa carreira, pero a oferta de 3 millóns de dólares do New York Cosmos fixo que o reconsiderase, e xogou no equipo neoiorquino até 1977. O seu derradeiro partido foi un encontro homenaxe entre o Cosmos e o Santos, no que xogou un tempo con cada equipo.
En 1981 protagonizou xunto a Sylvester Stallone, Michael Caine e Max von Sydow o filme Evasión ou vitoria dirixido por John Huston.
Palmarés
Co Santos Futebol Clube, da cidade de Santos
- 2 Copas Intercontinentais
- 2 Copas Libertadores
- 11 campionatos do Estado de São Paulo
Coa selección
En total Pelé marcou 1284 goles en 1363 partidos.
Notas
Véxase tamén
Ligazóns externas
| Commons ten máis contidos multimedia sobre: Pelé |
Filmografía
- Carlos Hugo Christensen, King Pelé, 1963.
- Paulo Machline, A Football Story, 1998.
- Eduardo Escorel e Luiz Carlos Barreto, This is Pelé, 1974.
- Aníbal Massaini Neto, Pelé Eterno, 2004.
- Mercado Livre, Santos, Especial, 2011.
This article uses material from the Wikipedia Galego article Pelé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.