Смугъул (азер. Sumağallı) — Азербайжан республикадин Исмаиллы районда авай хуьр.
«Смугъулрин» хуьруьнсоветдик акатзава.
Хуьр
|
Хуьр Исмаиллы райондин рагъакӀидай пата, Гуьйчай вацӀун чапла кьерел, Къепеле райондихъ галаз сергьятдин мукьвал, Исмаиллы шегьердилай 22 км яргъал ала.
Чкадин топонимар: Лезги элкъвей чин, Мусаз кӀам, Етим къул, Бендин кьев, Къакъа рекъер, Булах авай кӀам, Ергъи мырз, Кьвед кӀамун ара, Къван алатайдин кӀам, Баллы гуьне, Шамы чка, Тахта, ГъвечӀи гедик, ЧӀехи гедик, Амрагьан мырз, Аху, Чангъу тепе, Бунут бине, Кирде.
Хуьруьн бине Ахцегь райондин Смугъул хуьряй куьч хьана атанвайбуру кутунвайди малум я.
2013 йисан малуматриз килигна, Смугъулрин хуьревай кӀвалерин кьадар 243 тир, 961 касди уьмуьрзавай. Саки вири лезгияр, суни мезгьебдиз талукь мусурманар я. Хуьруьн эгьлийри эхтилатзавайвал, Смугъулрин мектеб Исмаиллы райондин кьуд хъсан мектебрин сиягьдик акатайтӀани, ина лезги чӀалан тарсар гузвач. Чкадин лезгийриз хайи алфавит чизвач лугьуз кхьинар азербайжан чӀалалди ийизва. Жегьилрин уьмуьрда азербайжан чӀалан метлеб хайи чӀалавай винел ахкьалтзава.
Агьалидин кьилин машгъулатар лежбервал, малдарвал ва саларбанвал я.
Хуьре уьмуьр ийизвай сихилар: Ясабар, Филискъар, Игъирар, Кузунар, Къулдуьрар, Къызырар, ХайтӀакьар, Миграгъар, Везирар, Самалчияр, Дабыяр, Къурушар, Фалакьар. ГакӀни и хуьре са шумуд атанвай хзанарни ава Талышар - 1 кӀвал, Лагьижар - 2 кӀвал, Мугъулар -1 кӀвал.
This article uses material from the Wikipedia Лезги чІал (Lezgi č’al) article Смугъул (Исмаиллы район), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.