Кьурагь Район

Муниципалитетдин район Кьурагь район урус. Курахский район Уьлкве УрусатУрусат Федерациядин субъект ДагъустанДагъустан Администрациядин юкь Кьурагь Къенепатан паюнар 11 муниципалитетар акатзава Райондин кьил Азизрин Замир Загьидинан хва Бине кьунва 1928 йисан 22 ноябрь Майдан 740 км² Агьалияр ↘ 15 139 кас (2015) Миллетар лезгияр, агъулар Динар суни - мусурманар Дагъустандин картадал Кьурагь район Сятдин чӀул UTC+4 Телефондин код +7 87262 Автомобилдин код 05 Код ОКТМО 82630000 Кьурагь район Викискладда

Администрациядин юкь — Кьурагь хуьр я.

Район Дагъустан Республикадин кьибле пата ала. Кьибле пата Ахцегь ва Мегьарамдхуьруьн районрихъ галаз, кефер пата Агъул ва Хив районрихъ галаз, рагъакӀидай пата Рутул ва рагъэкъечӀдай патани СтӀал Сулейман райондихъ галаз са сергьятра ава.

Райондин рельефдин чӀехи пай сувари кьунва. Райондин кьибле патайтӀуз Самур цӀиргъ яргъи хьанва, адан яргъивилихъди Мегьарамдхуьруьн, Ахцегь ва Рутул районрин Кьурагь райондихъ галаз сергьят физва.

Райондин чилерин майдан — 740 км² я.

Асул макъала: Курах дере

ДагЦИК-ан 4-й сессиядин 22.11.1928 тарихдин къарардалди, виликан Куьре округдин Агъул ва Кьурагь участокрин чкадал, Лак округдин Чирагъ хуьр ва Куьре округдин Хъутур-Куьре участокдин Вини-Макьар, Бурши-Макьар ва Агъа-Макьар хуьрерни кутунивди Кьурагь кантон арадал агъанвай. ВЦИК-ан 3.06.1929 тарихда кьабулай къарардалди, кантон райондиз элкъуьрнай.

ВЦИК-ан 1.09.1934 тарихдин къарардалди, Буркихан, Гоа, Дулдугъ, Курагъ, Рича, Тпиг ва Хутхул хуьруьнсоветар Кьурагь райондивай чара авуна Агъул район арадал гъанвай.

ПВС РСФСР-дин 1.02.1963 тарихдин къарардалди Кьурагь район терг авуна, адан чилер Кьасумхуьруьн райондик кутунай. ПВС РСФСР-дин 12.01.1965 тарихдин къарардалди район виликан сергьятра гуьнгуьна хутунай.

Йисариз килигна Кьурагь райондин агьалийрин дегиш хьунин динамика:

Райондин агьалидин чӀехи пай лезгияр, тӀимил пайни агъулар я. Кьурагь районда вад агъул хуьр ава: Хвереж, Укуз, Усугъ, Квардал ва Хуьпуькь.

2002 йисан Вири Урусатдин агьалияр сиягьдиз къачунин нетижайрин малуматриз килигна, Кьурагь райондин миллетрин сиягь :

Райондик 11 муниципалитетдин образование (хуьруьнсоветар) акатзава .

Кьурагь райондин хуьруьнсоветар ва абурук акатзавай хуьрер, (къалин шрифтдив администрациярин юкьвар къалурнава);

1. «Аладаш» хуьруьнсовет — Аладаш
2. «Ашар» хуьруьнсовет — Ашар, Кукваз
3. «Гелхен» хуьруьнсовет — Гелхен, Квардал
4. «КӀири» хуьруьнсовет — КӀири, Бахцугъ, Сараг ва Ругун
5. «КьепӀир» хуьруьнсовет — КьепӀир
6. «Кьуьчхуьр» хуьруьнсовет — Кьуьчхуьр, Бугъда тепе
7. «Кумухъ» хуьруьнсовет — Кумухъ
8. «Кьурагь» хуьруьнсовет — Кьурагь, Хуьрехуьр
9. «Кутул» хуьруьнсовет — Кутул, Эхниг
10. «Муллахуьр» хуьруьнсовет — Муллахуьр, Арабляр
11. «Усугъ» хуьруьнсовет — Усугъ, Укуз, Хвереж
12. «Шимихуьр» хуьруьнсовет — Шимихуьр, Хпеж, Урсун
13. «Хуьпуькь» хуьруьнсовет — Хуьпуькь
14. «Штул» хуьруьнсовет — Штул, Ашахуьр