Гьарйяна акӀни Хьарйана (хинди: हरियाणा, пандж.: ਹਰਿਆਣਾ, ингл. Haryana) — Индиядин кефер пата авай штат я.
Гьарйяна хинди: हरियाणा пандж.: ਹਰਿਆਣਾ ингл. Haryana | ||||||||
| ||||||||
Кьилин шегьер: | Чандигарх (союздин ччил) | |||||||
ЧӀехи шегьерар: | Фаридабад, Гургаон, Панипат, Амбала | |||||||
Уьлкве: | Индия | |||||||
Административ паюн: | ||||||||
Губернатор | Сатядев Нараян Арья | |||||||
Майдан: | 44 212 км² (20-лагьай) | |||||||
Агьалияр: | ↗ 25 353 081 ксар. (17-лагьай) | |||||||
· Агьалидин чуькьуьнвал: | 573,44 ксар./км² | |||||||
ЧӀал: | хинди, пенджаби | |||||||
РВБ: | 100 млрд $ | |||||||
Телефондин код: | ||||||||
Сятдин чӀул: | UTC+5:30 | |||||||
ISO 3166 код: | IN-HR | |||||||
Сайт: | Официал сайт | |||||||
Викигьамбар: | Haryana |
Кьилин шегьер — Чандигаргь (кьилдин галкӀдин чил (вилаят) яз, административ патахъай ам Гьарйянадик акатзавач), виридалайни чӀехи шегьер — Фаридабад я. 2011-лагьай йисан малуматрив кьурвал, агьалийрин сан-гьисаб — 25 353 081 кас (вири штатрин арада 17-лагьай чка кьунва). Гьарйяна кьилдин штат хьиз Пенджаб штатдин ибаратдай 1966-лагьай йисуз чара авунва. Гилалди Чандигаргь кьве штатдин — Гьарйянани Пенджаб — кьилин шегьер яз ава. «Гьарйяна» лугьудай гаф хинди чӀалай «Гъуцран кӀвал» хьиз таржума жезва — «Гьари» Вишну гъуцран тӀварарикай сад, «айяна» — кӀвал я.
Чилин майдан — 44 212 км² (20-лагьай мукь (чка)). Гьарйянади агъадихъ галай штатрихъ галаз сергьят сад ийизва:
Гангни Джамна вацӀарин кьулувили Гьарйяна штатдин чиликай чӀехи пай кьунва. Шивалик кӀунтӀар кефердинни рагъэкъечӀдай пата чка кьунва, кьиблединни рагъакӀидай пата къумлух хьтин кьулувили чка кьунва, кьибле пата Аравали суван цӀиргъ виниз акъатзава. Чилер гьуьлуьн дережадилай 200—1200 м вине ава. Штатдин рагъэкъечӀдай патан сергьят Джамна вацӀай тӀуз физва.
Гьарйянадин климат кеферпатан кьулувилерал чка кьур маса Индиядин штатрин хьтинди я. Гад лап чимиди, 45 °C (113 °F) кьван агакьзава; кьуьд «хъуьтуьлди» я. Виридалайни чими варцар — тӀулни кьамуг, виридалайни мекьи варцар — фундукӀни гьер я. Къваларин кьадар дегиш жедайди — Шиваликдин араяр виридалайни кьеж квай чкаяр, Аравали кӀунтӀарин арайра — виридалайни кьурай чкаяр я. Вири къваларикай 80 % муссонрин сезондиз жезва (чиле-мара), са бязи вахтара абуру локал тир яд акьалтун гъизва.
Гьарйянада агъадихъ галай хуьнуьхдик квай вагьши тӀебиатдин объектар ава:
Абуруз виридаз Гьарйяна штатдин гьакимвилик квай Тамун департаментди регьебервал ийизва.
2004-лагьай йисан хкягъунрин нетижада Индиядин миллетдин конгрессди чӀалахъардай (абурувай вири ванерикай 60 % кӀватӀиз хьана) гъалибвал къачунва.
2011-лагьай йисан малуматрив килигайла, штатдин агьалийрин сан-гьисаб 25 353 081 кас. Агьалийрин къалинвал — 573,44 кас/км². Патав гвай Пенджабдани хьиз, Гьарйянада папарив гекъигайла лап пара итимар ава. Вири агьалийрикай индуизмдихъ 89,7 % инанмишвал ийизва, сикхар — 6,2 %, мусурманар — 4 % я.
Вири агьалийрикай 87,34 % хиндидал рахазва, 10,57 % — панджабидал, 1,23 % — урдудал. Гьарйянада стандарт тир хинди ваъ, адан нугъат — гьарйянави — гегьенш я (ам лап брадж нугъат хьтинди я).
Ири шегьерар:
Гьарйяна 4 региондикай ибарат я, абур 21 округдиз чара ийизва:
№ | Регион | Административ юкь | Агьалияр, кас (2001 йис) | Майдан, км² | Къалинвал кас/км² | Округар |
---|---|---|---|---|---|---|
1 | Амбала | Амбала | 4 238 990 | 8 157 | 519,68 | Амбала Курукшетра Панчкула Ямунанагар |
2 | Гургаун | Гургаун | 5 427 694 | 8 107 | 669,51 | Гургаон Магьендрагаргь Меват Палвал Ревари Фаридабад |
3 | Гьисар | Гьисар | 6 067 866 | 18 431 | 18 431 | Гьисар Бгьивани Кайтгьал Сирса Фатегьабад |
4 | Ругьтак | Ругьтак | 5 348 439 | 9 517 | 561,99 | Джаджар Джинд Карнал Панипат Ругьтак Сунипат |
This article uses material from the Wikipedia Лезги чІал (Lezgi č’al) article Гьарйяна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.