Алла Борисовна Пугачёва

СССР-дин халкьдин артист (1991). Урусатдин гьукуматдин пишкешдин лауреат (1995), "Хайи ватандин вилик гьунар " 2,3,4 дережадин ордендин кавалер.

Алла Борисовна Пугачёва
Алла Борисовна Пугачёва
Дидедиз хьайи чӀав	1949 йисан 15 апрель(1949-04-15) (75 йис.)
Дидедиз хьайи чка	Москва
Гьукумат	Урусат
Пеше	актёр, автор-исполнитель, телеведущий, музыкадин продюсер, композитор, пианист, режиссёр, ведущий, предприниматель, манияр ядайди, режиссёр-постановщик, студийный музыкант, поэт-песенник ва педагог
Гъуьл-пабвал	Максим Александрович Галкин
Мукьвади	Кристина Орбакайте, Елизавета Максимовна Галкина ва Гарри Максимович Галкин
Пишкешар	орден Святого Месропа Маштоца, народный артист СССР, орден «За заслуги перед Отечеством» II степени, орден «За заслуги перед Отечеством» III степени, IV-лагьай дережадин «За заслуги перед Отечеством» орден, РСФСР-дин халкьдин артист, заслуженный артист РСФСР, Государственная премия Российской Федерации, орден «Дружба», Через искусство — к миру и взаимопониманию, орден Дружбы народов, 100 женщин ва Золотой граммофон
Автограф
Викигьамбарда авай шикилар

Адан репертуарда вад вишелай пара урус, игилис, немцерин, французрин, ивритдал, финнрин, къазахрин чӀаларал янвай мани ава, ва гьакӀни къаддалай гзаф кьилди манияр кхьенвай пластинкаяр, СD ва DVD. Урусатдилай ва муькуь СССР-дин гьукуматралай гъейри, А.Пугачевадин альбомар Японияда, Кореяда, Швецияда, Финляндияда, Германияда, Польшада ва маса уьлквейра экъечӀна. 250 миллиондалай гзаф хьана умуми тираж адан манияр кхьенвай дискайрин.

А.Пугачевадиз зурба агалкьунар авай жуван ватандин къенени ва къвалав гвай Европадин гьукуматрани. Исятда адаз лугьузва «примадонна», «эстрададин королева», «Россиядин кьиле авай певица». 1976 йисалай башламишна 1990 йисалди Пугачева виридалайни хъсан манияр ягъдай дишегьли яз хцабзавайди тир.

2010 йисуз ада вичин гастролдин кӀвалах куьтягьна, амма яратмишунин кӀвалах гадарнач: мукьвал-мукьвал кӀватӀнавай концертра ва телепередачара иштираквал кьвазва, са къатда цӀийи маниярни акъудзава. Адан итим Максим Галкин я. Адаз кьве рушни, са гадани ва пуд хтул ава.

А.Пугачева 15 апрелдиз 1949 йисуз Москвада дидедиз хьана. Вири аялвилин йисар Москвада Крестьянски заставадал Зонтичны куьчеда фена.

1954 йисуз вад йис тир вахтунда Алладин диде-бубади ам М. М. Ипполитов-Ивановадин тӀварунихъ галай музыкадин училищадихъ галай музыкадин мектебдик кутуна. Гьа и йисуз Алла сифте сеферда сегьнедал экъечӀна. Союздин КӀвалин колоннаяр авай залда хьайи еке кӀватӀалдин концертда иштираквал кьуна.

1956 йисуз Москвадин Тагански райондин Лавровы куьчеда авай № 496 юкьван мектебда сад лагьай классдиз фена.

1964 йисуз музыкадин школа фортепианадин классдай ва юкьван школадин 8 лагьай класс кӀелна куьтяхьна. Ахпа М. М. Ипполитов-Иванован тӀварунихъ галай музыкадин училищедик экечӀна. Ана ада М. Шуфутинскидихъ галаз санал кӀелна.

1969 йисуз майдин вацра гьукуматдин экзаменар гахкана дирижерар гьазурзавай ва хордин кьиле акъвазавай училищедин хел кӀелна куьтяхьна. Адан дипломда кхьенвай: «Хордин дирижер»,"Музыкадин муалим","Аялрин музыкадин мектебда сольфеджио гудай муалим".

Москвадин № 621 мектебда са шумуд вацра музыкадин муалим яз кӀвалахна.

1969 йисуз апрел вацра А.Пугачева Гьукуматдин циркдин ва эстрададин училищеда манияр ягъиз ва концертар тухуз кӀвалахдик экечӀна. Гьа вахтунда ам таниш хьана ана кӀвалахзавай клоундихъ Миколас Орбакасахъ галаз, гуьгъуьнлай абур эвленмиш хьана.

1980 йисан 31 декабрдин йифелай башламишна 1981 йисан 1 январдиз къалурнавай телевизордай «Вили цӀай» передачада А.Пугачевади ягъна мани «Маэстро». И манидиз музыка кхьенвайди композитор Раймонд Паулс тир, гафар — шаир Илья Резник я. И вахтунилай башламишна абуру А.Пугачевадиз гзаф манияр кхьена, абурун арада виридаз чизвай «Куьгьне вахтарин сят», «Зун галачиз», «КӀвалахдиз вахт» ва масабур.

1981 йисан июндиз А.Пугачевади ГИТИС-дин эстрададин устадвилин факультет «Эстрадна режиссура» хиляй кӀелна куьтягьна. Дипломдин кӀвалах патал ада вичин цӀийи концертдин программа «Манияр ягъзавай дишегьлидин монологар» къалурна.