Абдулмуслимов Абдулмуслим Муьгьуьдинан Хва

2022-лагьай йисан 22-лагьай февралдилай инихъ — Дагъустан Республикадин Гьакиматдин Председатель язва.

Дагъустан Республикадин лайихлу юрист, хуьруьн майишатдин илимрин кандидат, отставкада авай полициядин полковник язва.

Абдулмуслим Абдулмуслимов 1960-лагьай йисан 1-лагьай апрелдиз Къазбек райондин Гертма хуьре дидедиз хьана. Вич аварви я.

1978-лагьай йисуз ада вичин хайи Гертма хуьруьн мектеб акьалтӀарна.

1983-лагьай йисуз Абдулмуслимова Москвадин К. А. Тимирязеван тӀварунихъ галай хуьруьн майишатдин академия акьалтӀарна.

2001-лагьай йисуз ада «Юриспруденция» пешедай Москвадин О. Е. Кутафинан тӀварунихъ галай гьукуматдин юриствилин академия акьалтӀарна.

1996 — 2003-лагьай йисарин арада ада УФ-дин Федерал налогрин къуллугъдин Дагъустан Республикадин Управлениеда кӀвалахзвай тир.

2003 — 2014-лагьай йисарин арада ада УФ-дин Къенепатан крарин министвиле кӀалахзвай тир. Отставкада авай полициядин полковник.

2016-лагьай йисан ноябрдиз ам Дагъустан Республикадин Хатасузвилин Шурадин Секретарвиле тайинарна.

2018-лагьай йисан мартдилай ноябрдал кьван Абдулмуслимов ДР-дин хуьруьн майишатдин ва продовольствиедин рекьяй министр тир.

2018-лагьай йисан ноябрдилай 2019-лагьай йисан июлдал кьван ДР-дин вице-премьер — хуьруьн майишатдин ва продовольствиедин рекьяй министр тир.

2019-лагьай йисан июлдилай 2022-лагьай йисан февралдал кьван Абдулмуслимов ДР-дин вице-премьер тир.

2022-лагьай йисан 17-лагьай февралдиз ДР-дин Гьакиматдин председателян везифаяр вахтуналди тамамарзавайдан чкадал тайинарна.

2022-лагьай йисан 22-лагьай февралдиз Абдулмуслимов Дагъустандин премьер хьана.

Абдулмуслимоваз пабни пуд аялар ава.