Курди Закуев: лакрал чичур
Курди Закуев (1888—1968) (оьрус Курди Закуев, Ахмед Каради-Заку-Задэ, Ахмед-Каради Магомед-Гаджиевич ) лакрал чичур.
Курди Закуев ххаллилсса шаэргур. Лакрал ванайн Закухъал Курди учайссар.
| Курди Закуев | |
|---|---|
.jpg) | |
| Увсса чӀун | 1888 |
| Увсса кӀану | |
| ИвкӀусса чӀун | 15 июнданий 1968 |
| ИвкӀусса кӀану | |
| Ссаха зий уссарив | шаэр, писатель |
Закухъал Курди увну ур 1888 шинал Гъумучи. Ванал ппухълу бивкIун бур хъинну дурккусса инсантал. Курдигу ивкIун ур дурккусса инсан хьун ччай. Мунияту Курдигу чIявусса шагьрурдай дуклай ивкIун ур: Щурагь, Асттарханнай, Къазаннай, Уфалий.
1917 шинал Аьрасатнаву февраль революция хьуну дур. Курди зана хьуну ур Щурагьун. Щурагь ва зун ивкIун ур революционер Гьарун Саэдовлущал. Вай зий бивкIун бур «Илчи» кказитрал редакциялий. Граждан дяъвилул чIумал Закуев ивкIун ур большевиктурал чулий. Амма ва дуклан ччай ивкIун ур. Аьрасатнаву дяъви най бухьувкун, ва лавгун ур дуклан Туркнавун. Тийх университетгу къуртал бувну, зана хьуну ур Аьрасатнавун. Ялапар хъанан ивкIун ур Азирбижаннаву Бакуй. Дарс дихьлай ивкIун ур Бакуйннал педагогикалул институтраву. Ва ивкIун ур та институтрал профессорну. ИвкIуну ур Курди Закуев Бакуйва.
Курди Закуевлул элмулул луттирду чивчуну бур. Чивчуну бур шеърирдугу, «Хъявринсса ччаву» повестьгу. КъачIявусса бур ванал чивчумур. Амма Курди Закуев лакрал чичултраву яла ххаллилминнавасса цари.
Примечания
This article uses material from the Wikipedia Лакку article Курди Закуев, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Если не указано иное, содержание доступно по лицензии CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лакку (DUHOCTRUNGQUOC.VN) is an independent company and has no affiliation with Wiki Foundation.