Iengels

Iengels (English) is e West-Germoansche toale die ountstoan is in Angelsaksisch Iengeland en die nu de mêest gebruukte toale is ter weireld.

't Wordt os êeste toale gebruukt in verschillige soevereine stoatn lik 't Verênigd Keunienkryk, de Verênigde Stoatn, Canada, Australië, Ierland, Nieuw-Zêeland en e dêel Caraïbische landn. 't Is de derde mêest gesprookn moedertoale in de weireld, achter Mandareyn Chinees en Spoans. 't Wordt styf vele angelêerd os twidde toale en 't is 'n officiële toale van d' Europeesche Unie, van vele Commonwealthlandn, van de Verênigde Noaties (VN) en ook van vele weireldorganisoasjes.

Iengels
Iengels in de weireld: ██ Nationale toale of moedertoale ██ Officiële toale, moa nie van de mêerderheid

Modern Iengels, soms beschreevn lik d' êeste weireldwyde lingua franca, is de belangrykste internationale toale vo communicoasje, weetnschap, luchtvoart, amusement, toerisme, radio, diplomatie en in de zoaknweireld. D' uutbreidienge van de toale vanof de Britsche eilandn over hêel de weireld begost tegoare met de groei van 't Brits Ryk, en an 't ende van de negentienste êeuwe was de toale echt weireldwyd verspreid. De toale is dominant in de Verênigde Stoatn en deur zyn groeiende economische en culturele invloed, en status van weireldmacht sins de Twidde Weireldoorloge, is de posiesje van de toale weireldwyd versterkt.

E goeie kennisse van Iengels is e vereiste in e dêel werkgebiedn en beroepn lik geneeskunde en informatica.

Woordnschat

D' Iengelsche toale het e styf grôte woordnschat (minimum 500.000 woordn), omda ter dikwils twi woordn zyn voe êen begrip, e Germoans en e Romoans (vôorbeeld freedom en liberty: vrydom). De Germoansche woordn wordn 't mêest gebruukt in 't doageliks leevn, de Romoansche synoniemn in officiële geschreevn toale.

Iengels 
Origine van Iengelsche woordn

Origine van Iengelsche woordn volgens 'n ounderzoek:

  • Langues d'Oïl, inclusief Frans en Oudnormandisch: 28,3%
  • Latyn, inclusief modern weetnschappelik en technisch Latyn: 28,24%
  • Andere germoansche toaln, inclusief Oudiengels: 25%
  • Grieks: 5,32%
  • Ounbekend: 4,03%
  • Ofgeleid van eignnoamn: 3,28%
  • Overige toaln: minder of 1%

Spellienge

By d' Iengelsche spellienge is ter winnig verband tusschn uutsproake en schryfwyze. Vêertig klankn wordn ip 1120 verschillige maniern geschreevn.

Iengels  Zie de Iengelsche uutgoave van Wiki.
Iengels 

Tags:

AngelsaksersIengelandWest-Germoans

🔥 Trending searches on Wiki West-Vlams:

MuusHoavikachtignHarrevôordeTre FontaneLibanonGewest (België)Koas2017Michiel DevliegerMaaike CafmeyerVlaemsch Comiteit van VrankrykOrganisme2019EkostelslTypische West-Vlamsche woordn1000Eevnhoevign14 septemberAlessandro de' MediciGeorgiëTurkmenistanMartine TangheBouwkundig erfgoed in VloamertiengeD'n StrôomGregorioansche kalender193617 juliScholeNigeria818InternetCanadaFrans-Vloandern30 decemberMyanmarChambrangPiekezottnAminozuurCuritibaWoalsZy' j van BruggeIvôorkustIengelsRunders5 moarteFort-MardykJapanPoldersLyste van Fransche gemêentn en under Vlamsche noameDe feestersNewton (êenheid)HollandSalamWoordnschat van 't GentsPortugalJelle WallaysAntarcticaLorenzo de' Medici🡆 More