ᱥᱟᱶᱦᱮᱫ
ᱥᱟᱶᱦᱮᱫ ᱡᱟᱦᱟᱸ ᱯᱟ.ᱨᱥᱤ ᱜᱮ ᱥᱮᱫᱟᱭ ᱠᱷᱚᱱ ᱚᱞ-ᱛᱚᱞ ᱟ.ᱜᱩ ᱟᱠᱟᱱᱟᱜ ᱜᱮ ᱥᱟᱶᱦᱮᱫ ᱢᱮᱱᱛᱮ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ ᱾ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱥᱟᱶᱦᱮᱫ ᱫᱚ ᱟᱵᱚ ᱟᱹᱫᱤᱵᱟᱹᱥᱤ ᱥᱟᱶᱦᱮᱫ ᱨᱮᱵᱚ ᱧᱟᱢᱟ ᱾ ᱱᱚᱝᱠᱟ ᱛᱮ ᱧᱮᱞ ᱞᱮᱠᱷᱟᱱ ᱟᱹᱫᱤᱵᱟ.ᱥᱤ ᱥᱟᱶᱦᱮᱫ ᱜᱮ ᱡᱚᱛᱚ ᱥᱟᱶᱦᱮᱫ ᱨᱮᱭᱟᱜ ᱢᱩᱲ ᱰᱟᱦᱟᱨ ᱠᱟᱱᱟ ᱾
ᱵᱷᱟᱨᱚᱛᱤᱭᱟ. ᱥᱟᱶᱦᱮᱫ
ᱵᱷᱟᱨᱚᱛ ᱨᱮᱭᱟᱜ ᱥᱚᱸᱥᱠᱨᱩᱛ ᱥᱟᱶᱦᱮᱫ ᱫᱚ ᱨᱩᱜᱽᱵᱮᱫᱽ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱵᱭᱟᱥ, ᱵᱟᱞᱢᱤᱠᱤ ᱞᱮᱠᱟᱱ ᱯᱟᱹᱦᱤᱞ ᱨᱩᱥᱤ ᱠᱚ ᱢᱟᱦᱟᱵᱷᱟᱨᱚᱛ ᱟᱨ ᱨᱟᱢᱟᱭᱚᱬ ᱞᱮᱠᱟᱱ ᱢᱟᱨᱟᱝ ᱯᱩᱛᱷᱤ ᱠᱤᱱ ᱚᱞ ᱛᱚᱞ ᱟᱠᱟᱜ-ᱟ ᱾ ᱵᱷᱟᱥ, ᱠᱟᱲᱤᱫᱟᱥ ᱟᱨ ᱮᱴᱟᱜ ᱚᱱᱚᱬᱦᱤᱭᱟ. ᱠᱚᱦᱚᱸ ᱥᱚᱸᱥᱠᱨᱩᱛ ᱛᱮ ᱠᱷᱮᱞᱚᱸᱰ ᱯᱚᱛᱚᱵ ᱠᱚ ᱚᱞ ᱛᱚᱞ ᱟᱠᱟᱜ-ᱟ ᱾
ᱵᱚᱸᱜᱟ ᱵᱳᱨᱳ ᱢᱟᱱᱟᱣ ᱵᱟᱛᱟᱣ ᱥᱟᱶᱦᱮᱫ ᱨᱮᱫᱚ ᱜᱳᱥᱣᱟᱢᱤ ᱛᱩᱞᱥᱤᱫᱟᱥ, ᱵᱨᱚᱡᱽ ᱯᱟ.ᱨᱥᱤ ᱨᱮᱫᱚ ᱥᱩᱨᱫᱟᱥ, ᱢᱟᱨᱣᱟᱲᱤ ᱨᱮ ᱢᱤᱨᱟᱵᱟᱭᱤ, ᱠᱷᱳᱰᱤᱵᱳᱞᱤ ᱨᱮ ᱠᱚᱵᱤᱨ, ᱨᱚᱥᱠᱷᱟᱱ, ᱢᱚᱭᱛᱷᱤᱞᱤ ᱨᱮ ᱵᱤᱫᱭᱟᱯᱚᱛᱤ ᱮᱢᱟᱱ ᱧᱩᱛᱩᱢᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾
ᱦᱤᱱᱫᱤ ᱥᱟᱶᱦᱮᱫ ᱨᱮᱫᱚ ᱠᱟᱛᱷᱟ, ᱠᱟᱹᱦᱱᱤ ᱟᱨ ᱜᱟᱢᱟᱢ ᱨᱮᱫᱚ ᱯᱨᱮᱢᱪᱟᱸᱫᱽ ᱟᱜ ᱟ.ᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ-ᱟ ᱾ ᱜᱨᱤᱠ ᱥᱟᱶᱦᱮᱫ ᱨᱮᱫᱚ ᱦᱳᱢᱤᱨᱟᱜ ᱤᱞᱤᱭᱟᱰ ᱟᱨ ᱳᱰᱤᱥᱤ ᱫᱚ ᱡᱮᱜᱮᱛ ᱨᱮ ᱧᱩᱛᱩᱢ ᱢᱮᱱᱟᱜ-ᱟ ᱾ ᱤᱸᱜᱽᱞᱤᱥ ᱥᱟᱶᱦᱮᱫ ᱨᱮ ᱥᱮᱠᱥᱯᱤᱭᱚᱨ ᱫᱚ ᱚᱠᱚᱭ ᱵᱟᱭ ᱵᱟᱰᱟᱭᱟ ᱟᱠᱟᱫᱮᱭᱟ ᱾ ᱯᱷᱩᱨᱜᱟᱹᱞ ᱥᱤᱧᱚᱛ ᱨᱮ ᱒᱒ ᱜᱚᱴᱟᱝ ᱯᱟᱹᱨᱥᱤ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱟᱠᱟᱜᱼᱟ ᱾ ᱡᱟᱦᱟᱸᱨᱮ ᱢᱚᱴᱷᱮ ᱵᱟᱨᱭᱟ ᱟᱹᱫᱤᱵᱟ.ᱥᱤ ᱯᱟᱹᱨᱥᱤ ᱼ ᱥᱟᱱᱛᱟᱲᱤ ᱟᱨ ᱵᱳᱰᱳ ᱜᱮᱠᱚ ᱥᱮᱞᱮᱫ ᱟᱠᱟᱜᱼᱟ ᱾
ᱴᱷᱟᱶ
ᱵᱷᱟᱨᱚᱛ ᱫᱤᱥᱚᱥ ᱫᱚ ᱟ.ᱰᱤᱜᱟᱱ ᱯᱟ.ᱨᱥᱤ ᱨᱮᱭᱟᱜ ᱢᱤᱫ ᱦᱟᱯᱲᱟᱜ ᱫᱤᱥᱚᱢ ᱠᱟᱱᱟ ᱾ ᱠᱚᱧᱮᱼᱯᱟᱪᱷᱮ ᱨᱮ ᱯᱚᱧᱡᱟᱵᱤ, ᱦᱤᱱᱫᱤ, ᱩᱨᱫᱷᱩ; ᱥᱟᱢᱟᱝ ᱯᱟᱦᱴᱟ ᱨᱮ ᱳᱰᱤᱭᱟ., ᱵᱟᱝᱜᱽᱞᱟ ᱟᱨ ᱟᱥᱟᱢᱤᱭᱟ. ; ᱛᱟᱞᱟᱼᱯᱟᱪᱷᱮ ᱯᱟᱦᱴᱟ ᱨᱮᱫᱚ ᱢᱟᱨᱟᱴᱷᱤ ᱟᱨ ᱜᱩᱡᱽᱨᱟᱴᱤ ᱟᱨ ᱟᱨ ᱠᱚᱧᱮ ᱨᱮ ᱛᱟᱢᱤᱞ, ᱛᱮᱞᱩᱜᱩ, ᱠᱚᱱᱱᱚᱰᱚ ᱟᱨ ᱢᱟᱞᱟᱭᱟᱞᱚᱢ ᱾ ᱱᱚᱶᱟ ᱠᱚ ᱪᱷᱟᱰᱟ ᱠᱟᱛᱮ ᱟᱨ ᱦᱚᱸ ᱟᱹᱰᱤᱜᱟᱱ ᱯᱟᱹᱨᱥᱤ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱥᱟᱶᱦᱮᱫᱤᱭᱟ. ᱟᱨ ᱯᱟᱹᱨᱥᱤ ᱥᱟᱬᱮᱥᱤᱭᱟ. ᱢᱚᱦᱚᱛ ᱠᱟᱹᱡ ᱫᱚ ᱵᱟᱝ ᱠᱟᱱᱟ ᱼ ᱠᱟᱥᱢᱤᱨᱤ, ᱰᱳᱜᱽᱨᱤ, ᱥᱤᱱᱫᱷᱤ, ᱠᱳᱸᱠᱳᱬᱤ, ᱛᱩᱨᱩ ᱮᱢᱟᱱ ᱾
ᱥᱟᱱᱛᱟᱲᱤ ᱥᱟᱶᱦᱮᱫ
ᱥᱟᱱᱛᱟᱲᱤ ᱥᱟᱶᱦᱮᱫ ᱦᱚᱸ ᱟ.ᱰᱤ ᱜᱮ ᱠᱤᱥᱟ.ᱬ ᱟᱠᱟᱱᱟ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱯᱩᱭᱞᱩ ᱚᱱᱚᱬᱦᱮ ᱯᱩᱛᱷᱤ ᱫᱚ ᱯᱟᱣᱩᱞ ᱡᱩᱡᱷᱟᱨ ᱥᱚᱨᱮᱱ ᱟᱜ "ᱵᱟᱦᱟ ᱰᱷᱟ.ᱞᱣᱟ.ᱜ" ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱟᱹᱰᱤᱜᱟᱱ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟ., ᱠᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱮᱱᱮᱢ ᱛᱟᱠᱚ ᱢᱮᱱᱟᱜᱼᱟ ᱾
ᱡᱩᱲᱟᱹᱣ ᱥᱟᱦᱴᱟ
ᱥᱟᱶᱦᱮᱫ ᱟᱲᱟᱝ
ᱥᱟᱹᱠᱷᱭᱟᱹᱛ
ᱥᱟᱶᱦᱮᱫ ᱮᱠᱮᱰᱢᱤ ᱥᱟᱱᱛᱟᱲᱤ ᱡᱤᱛᱠᱟᱹᱨ ᱥᱤᱨᱯᱟᱹ
This article uses material from the Wikipedia ᱥᱟᱱᱛᱟᱲᱤ article ᱥᱟᱶᱦᱮᱫ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.