Latin ta un idioma morto.
E tabata e idioma mas uza den e Imperio Romano y ta e idioma ceremonial den e Misa Catolico Romano. E cantidad di hendenan cu ta papia e idioma ta escaso, pero rond di mundo tin hendenan cu ta studia e idioma ainda. Latin ta e lenga materno di tur idioma Romano y ta e idioma oficial na Vaticano.
Latin Lingva latina | ||
---|---|---|
Papiá na: | Siudat Vatikano | |
Region: | Oropa | |
Ekstinshon di idioma: | siglo VIII | |
Famia di idioma: | Indo-oropeo Italo Latin | |
Sistema di skibi: | Alfabet latino | |
Status ofisial | ||
Idioma ofisial di: | Siudat Vatikano | |
Regulá pa: | Pontificia Academia Latinitatis | |
Kódigonan di idioma | ||
ISO 639-1: | la | |
ISO 639-2: | lat | |
ISO/DIS 639-3: | lat | |
Nota: E página aki por kontene simbolonan fonétiko di IPA den Unicode. |
Nan ta uza Latin tambe ora di describi un specie nobo, por ehempel, un tipo di mata of bestia. Pa e rason aki, mata y bestia ta wordo normalmente indentifica, den scritura cientifico, door di duna un nomber Latin of nomber moderno acerca. E termino Latin tin e nificacion precies y un definicion corespondente. Hopi palabra cientifico ta Latin of ta deriva di algun palabra Latin.
Tawatin dos tipo di Latin, Latin Clasico y Latin Vulgar. Latin Clasico tawata e variedad literatario standaard uza pa e Romanonan y hende di Misa Catolico Romano y siña pa masha hopi studiante rond mundo. Latin Vulgar tawata net pa robes, e tawata e variedad papia mas comun uza pa e Romanonan.
Latin tawata e lenga mas importante na Europa den Edad Medio. Nan tawata duna les na scol Europeo y tur universidad tawata uza Latin como idioma di instruccion. Latin a cunsa perde su balor den Reformacion Protestant, ma toch ainda nan tawata uz'e door autor di ciencia di buki y encyclopedia. Te rond di aña 1900 hopi universidad a acepta tesis por escrito na Latin.
Tin idioma cu nos ta papia awendia a bin di e lenga Latin. Esakinan nos ta yama idioma Romance. E cinco lenga principal Roman ta Frances, Italiano, Rumano, Portugues y Spaño. Otro lenga Indo Europeo ta relaciona cu Latin. E idioma Romano t'asina cerca di otro cu ta posibel pa compronde otro na un cierto nivel. Por ehempel, e papiadonan di Portugues por compronde Spaño. Por bisa cu idioma Romance ta un dialecto moderno di Latin.
Ora di skirbi nan tawata uza plachi di wax. Nan tawatin poco espacio, anto nan tawata skirbi palabra pega (no tawatin espacio bashi entre e palabranan). Tin biaha nan tawata uza papyrus, pero e tawata masha caro. Signo di lesa y letter chikito ta invencion moderno.
E siguiente ta e introduccion di e Metamorfosis di Ovid; ta describi tempo di Siglo di Oro.
Scritura bieu | Scritura moderno |
AVREAPRIMASATAESTAETASQVAEVINDICENVLLO | Aurea prima sata est aetas, quae vindice nullo, |
Traduccion na Papiamento
"Esaki tawata tempo di Siglo di Oro cu sin coaccion, sin ley, di manera spontaneo nutri di e bon y di e berdad. No tawatin miedo of castigo: no tawatin palabra malo pa lesa, corehi y brons, sin temor di multitud di splicante dilanti e hues, nan tawata biba cu siguridad, sin proteccion. Niun palo di Pinus a cay ne sero cu a cab'i yega e biento cu ta supla pa biaha pa otro tera: e ser humano tawata conoce solamente su mesun cantonan. No tawatin buraco diep rond di ciudad, sin trompet di guera, sin cacho di spiral, sin esapada y helm. Sin e uzo di e ehercitonan, e hende ta pasa su bida na paz y seguridad suave".
This article uses material from the Wikipedia Papiamentu article Latin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.