Uuzi Sana
Uuzi sana on oza Biblies libo ristittylöin Pyhis Kirjotuksis.
Ristittylöin mugah se on Biblien jälgimmäine puoli. Ennen sitä Biblies on Vahnu sana. Uuzi Sana sanolou kui Jumal luadii sovun kaikkien rahvahienke. Se jatkau kerdomustu kui algoi Vahnas sanas.
Uvves sanas on 27 kniigua. Sen jevangelieduis kerrotah tieduo Iisusan elaijas, opastuksis da ruadolois, hänen kuolendas ristal da kuollieloisnouzendas. Jevangeliedui on n'elli: Matfein, Markan, Lukan da Iivanan mugah.
Jevangelieduin jälgeh Uvves Sanas on Apostoloin ruavot, kudai ozuttua kui hyvä viesti levii Jerusalimaspäi Riimah suate. Sen jälgeh tulou apostol Puavilan kirjazet da seiččie kirjastu, net ollah muga sanotut Kiriköllizet kirjazet. Jälgimäinen kniigu on Jiävindy Iivanale sanelou Jumalan valdukunnan lopullizes voitos.
Uvven sanan kniigat kirjutettih vuozinnu 50–150 gretsien kielel.
Uvven sanan kniigat
- Jevangelii Matfein mugah
- Jevangelii Markan mugah
- Jevangelii Lukan mugah
- Jevangelii Iivanan mugah
- Apostoloin ruavot
- Juakoin kirjaine
- Pedrin enzimäine kirjaine
- Pedrin toine kirjaine
- Iivanan enzimäine kirjaine
- Iivanan toine kirjaine
- Iivanan kolmas kirjaine
- Juudan kirjaine
- Kirjaine riimalazile
- Enzimäine kirjaine korinfalazile
- Toine kirjaine korinfalazile
- Kirjaine galatalazile
- Kirjaine efesalazile
- Kirjaine filippalazile
- Kirjaine kolossalazile
- Enzimäine kirjaine fessalonikalazile
- Toine kirjaine fessalonikalazile
- Enzimäine kirjaine Timofeile
- Toine kirjaine Timofeile
- Kirjaine Tiitale
- Kirjaine Filimonale
- Kirjaine jevrelöile
- Jiävindy Iivanale
Uuzi sana karjalakse
Uuzi sana piästettih ilmah livvikse vuvvennu 2003. Kiännös noudau Yhtynyzien Bibliiseuroin jullattuu gretsienkielisty algutekstua. Sen on luodinnuh Biblienkiännändyinstituuttu.
This article uses material from the Wikipedia Karjalan article Uuzi sana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.