Latin

Pels articles omonims, vejatz Latin (omonimia).

La conquista romana d'Itàlia, puish de las regions riberesas deu Bacin Mediterranèu e, au nòrd, dinc a Ren e Danubi, qu'estó l'encausa de l'espandiment extraordinari deu latin. S'en Orient, lo grèc conservè la plaça de lenga oficiau e de la cultura aquesida arron las conquistas d'Alexandre, en Occident qu'assumí lo medish ròtle, penetrant Gàllia, Espanha, Illíria, Africa e Dàcia peu biaish de l'administracion imperiau, de la difusion de la cultura dominanta dens los elèits provinciaus, deus camps de legionaris e deu comèrci.

Latin

Lingua latina
Region	Laci
Tipologia	SOV Flexionala
Sistèma d'escritura	alfabet latin
Classificacion lingüistica	Lengas indoeuropèas Lengas italicas Lengas latinofaliscas Latin
Estatut oficial
Oficial de	Vatican
Acadèmia	Acadèmia Pontificala de la Latinitat
Estatut de conservacion
Atudat EXExtinct (Atudat) Menaçat CRCritically endangered (En dangièr critic) SESeverely endangered (En dangièr sevèr) DEDevinitely endangered (En dangièr definitiu) VUVulnerable (Vulnerable) Segur NENot Endangered (Non en dangièr) ICHEL Red Book: Extinct Classada coma lenga atudada (EX) per l'Atlàs de las lengas menaçadas dins lo mond
Còdis lingüistics
ISO 639-1	la
ISO 639-2	lat
ISO 639-3	lat
Ethnologue	lat
Glottolog	lati1261
ASCL	2902
IETF	la
Mapa

Arron la caduda de l'Empèri Roman, qui avó lòc en 476, lo latin qu'evoluí de faiçon diferenta dens cada grana region d'Occident, segon las costumas lingüisticas deus pòbles dejà en plaça (substrat) o deus invadidors (superestrat), e pòc a pòc que'n gessín lengas navèras, emparentadas mes diferentas, qui forman lo grop de las lengas romanicas. Aqueth grop de lengas que compren l'occitan, lo catalan, lo francés, lo castelhan (espanhòu), l'aragonés, l'asturian, l'italian, lo portugués, lo galician, lo sarde, lo romanés, lo romanch, lo ladin, lo friolan e lo francoprovençau (arpitan).

• Evolucion del latin:
  • latin arcaïc
    • latin classic
      • latin vulgar
• Declinason del latin