Sipak bola adolah cabang ulahrago nan manggunokan bola nan dimainkan dek duo tim nan masiang-masiang baranggotakan 11 (sabaleh) urang.
Mamasuaki abaik ka-21, olahraga iko alah dimainkan dek labiah dari 250 juta urang di 200 negara, nan manjadikannyo ulahraga paliang populer di dunia. Sipak bola batujuan untuak mancetak gol sabanyak-banyaknyo jo manggunokan bola ka gawang lawan. Sipak bola dimainkan dalam lapangan nan babantuak pasagi panjang, di ateh rumpuik atau rumpuik sintetih.
Duo urang pamain sadang barabuik bola bola. | |
Induak organisasi | FIFA |
---|---|
Namo lain | Football, soccer, footy/footie, "the beautiful game", "the world game" |
Partamo dimainan | Patangahan abaik ka-19 di Inggirih |
Data lengkap | |
Ulahrago kontak fisik | Yo |
Jumlah pamain | 11 urang per tim |
Pria/wanita | Ya, kompetisi tapisah |
Kategori | Ulahrago tim, ulahrago bola |
Paralatan | Bola sepak |
Tampek batandiang | Lapangan sipak bola |
Dipatandiangkan di Olimpiade | 1900 |
Sacaro umum, hanyo panjago gawang sajo nan bahak mamacik bola jo tangan atau lengan di dalam daerah gawangnyo, sadangkan 10 (sapulauh) pamain lainnyo diijinkan manggunokan sadoalah badannyo salain tangan, biasonyo jo kaki untuak manyipak, dado untuak mangontrol, jo kapalo untuak manyundua bola. Tim nan mancetak gol paliang banyak pado akhia patandiangan adolah pamenangnyo. Jikok hinggo wakatu barakhia masih barakhia imbang, mako dapek dilakukan undian, papanjangan wakatu maupun adu penalti, tagantuang dari format panyelenggaraan kajuaraan.
Paraturan patandiangan sacaro umum dipabaharui satiok tahunnyo dek induak organisasi sipak bola internasional (FIFA), nan juo manyalanggarokan Piala Dunia satiok ampek taun sakali.
This article uses material from the Wikipedia Minangkabau article Sipak bola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.