Vladimirus Vladimiri filius Putin (Russice Владимир Владимирович Путин, tr.
Vladimir Vladimirovič Putin; natus Leninopoli 7 Octobris 1952) est rerum politicarum peritus Russicus, praeses Foederationis Russicae annis ab 2000 ad 2008 et iterum ex anno 2012. Annis ab 1999 ad 2000 et ab 2008 ad 2012 fuit patriae minister primus. Iosephus Biden, praeses Americanus, eum scelestum bellicum appellavit.
Familia
Vladimirus Putin annis ab 1970 ad 1975 iuribus Universitatis Publicae Leninopolitanae studuit. Illo tempore ascitum est factioni Communisticae Unionis Sovieticae, cuius sodalis erat usque ad abolitionem eius (anno 1991).
Annis ab 1975 ad 1990, Putin in Commissione Securitatis Publicae Unionis Sovieticae operam dedit. Deinde variis muneribus functus est in administranda Petropoli et foederatione Russica. A die 25 Iulii 1998 director officii securitatis foederalis (Федеральная служба безопасности, ФСБ, tr. Federal'naja služba bezopasnosti, FSB), fuit et die 29 Martii 1999 etiam secretarius Consilii Securitatis Foederationis Russicae nominatus est, quae officia ad diem 9 Augusti anni 1999 tenuit, postquam praeses Consilii Ministrorum (i.e. minister primus) Russiae factus est.
Die 26 Martii 2000, Putin electus et 14 Martii 2004 reelectus est praeses Russiae. Die 7 Maii 2008, secundum constitutionem foederationis Russicae, cum maximum spatium imperii assecutus esset, tertia petitione praesidii legibus prohibitus est. Eodem die factus est praeses factionis Russiae Unitae (Russice «Единая Россия», tr. Edinaja Rossija), quo officio a die 26 Maii anni 2012 functus est. Postero die minister primus Foederationis Russicae factus est. Die 4 Martii 2012 iterum praeses Russiae electus est, die 7 Maii eodem anno inauguratus. Die 18 Martii 2018 denuo praeses foederationis Russicae electus, die 7 Maii eiusdem anni inauguratus est.
Ex anno 2014, cum Crimaea paeninsula Putin iussu contra ius internationale cum Russia coniungeretur, relationes inter Russiam ac civitates occidentales difficillimae factae sunt. Praesidi Russico crimini datur pacem in Europa in periculum adducere ac bellum "hybridum" "trollis" incursionibusque in interrete, vi noxia ad suffragia conferenda, insidiis contra adversarios paratis (ut puta Skripal et Navalnyj) gerere. Mense Februarii 2022 Putin, iterum ut videtur contra ius internationale, Ucrainam capi iussit.
Lexica biographica: Treccani • Большая российская энциклопедия • Gran Enciclopèdia Catalana • Deutsche Biographie • Store norske leksikon |
Vicimedia Communia plura habent quae ad Vladimirum Putin spectant. |
Lege Βλαδιμίρος Πούτιν ("Vladimirus Putin") apud Vicipaediam lingua Graeca antiqua scriptam |
Boris Ieltsin 1991 • Vladimirus Putin 1999/2000 • Demetrius Medvedev 2008 • Vladimirus Putin 2012 Opus geopoliticum • Duces civitatum Asiaticarum hodiernarum • Duces civitatum Europaearum hodiernarum • Praesides Russiae Capsae cognatae: Primi ministri Russiae | |
Boris El'cin • Georgius Gajdar • Victor Černomyrdin • Sergius Kirienko • Eugenius Primakov • Sergius Stepašin • Vladimirus Putin • Michaël Kas'janov • Victor Christenko • Michaël Fradkov • Victor Zubkov • Vladimirus Putin • Victor Zubkov • Demetrius Medvedev • Michael Mišustin Opus geopoliticum • Gubernatores civitatum Asiaticarum hodiernarum • Gubernatores civitatum Europaearum hodiernarum Capsae cognatae: Praesides Russiae • Ministri rerum externarum Russici | |
This article uses material from the Wikipedia Latina article Vladimirus Putin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.