Kaspɩyɛnii teŋgu kɛna lɩm wadaɣsɔsɔɣa nakɩyɩ nɛ kɛwɛ Azii wɩsɩ ɖɩɖʊyɛ taa.
Lɩm pɔɔ ŋga payaɣ-kɛ se Vɔlga yɔ, ka-taa lɩm kpeŋna kɩ-taa. Wisi ɖɩlyɛ nɛ wɩsɩ ɖʊyɩ taa lɛ, Azii hɛkʊ nɛ hɛkʊ taa kataŋga sɔsɔɣa nakɩyɛ kɛ teŋgu kʊnɛ kɩzɩna kamaɣ piyele wɩsɩ ɖɩɖʊyɛ taa nɛ hadɛ kiŋ ɖɔɖɔ ɛlɛ, kokaazi nɛ Ɛlburzi piisi ñɛwɛna.
Ajɛya wena acɔ teŋgu kʊnɛ nɛ kɩtaa yɔ, anaa yɔ: wɩsɩ ɖɩlɩyɛ nɛ sɩ-hayʊ kiŋ ɛlɛ Kazakistanii, wɩsɩ ɖɩlɩyɛ nɛ sɩ-hadɛ kiŋ ɛlɛ Turkimenistanii piyele haɖɛ kiŋ kpaagbaa ɛlɛ Iiraŋ tɛtʊ pɩkazɩ nɛ wɩsɩ ɖɩɖʊyɛ nɛ sɩ-hadɛ kiŋ ɛlɛ Azɛrbayijanii nɛ wɩ;sɩ ɖɩɖʊyɛ nɛ sɩ-hayʊ kiŋ ɛlɛ, Ruusi ɛjaɖɛ. Teŋgu kʊnɛ kɩwɛɛ kɩkpɩyʊ nɛ kɩkpɩyʊ mbʊ pɔyɔɔ yɔ, tɩŋ fɛyɩ nɛ wɩsɩ ñakɩlɩʊ ñaaʊ.
Kaspɩyɛnii teŋgu kʊnɛ kɩ-walanzɩ mɩtaɖɛ wɛ 371 000km2 piyele kɩ-ɖaalakɩŋ taa maɣna kilomɛtanaa 1030 nɛ kɩ-walanzɩ taa ñɛwɛ kilomɛtanaa 435. Pamaaza-kʊ koko nɛ pata ɛlɛ pɩwɛ kilomɛtanaa 7 000 nɛ kɩ-tɛ cukaŋ taa wɛ mɛtanaa ɛzɩ 1025. Teŋgu kʊnɛ kɩpaɣlika taa wɛ ɛzɩ 78 200 km3 yɔ.
This article uses material from the Wikipedia Kabɩyɛ article Kaspɩyɛnii teŋgu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.