Kaspiske morjo (azerbajdźansce Xəzər dənizi, persisce دریای خزر , rusce Каспийское море, kazachsce Каспий теңізі, turkmensce Hazar deňzi) je najwjetši jězor na Zemi, druhdy waženy za morjo.
Ma přestrjeń 371 000 kwadratnych kilometrow a wobjim 78 200 kubikowych kilometrow.
Kaspiske morjo leži w Aziji a mjezuje na juhu z Iranom (dołhosć brjoha: 750 km), na zapadźe z Azerbajdźanom (dołhosć brjoha: 800 km) a z Ruskej federaciju (dołhosć brjoha: 960 km) a na wuchodźe z Kazachstanom (dołhosć brjoha: 1894 km) a z Turkmenistanom (dołhosć brjoha: 1768 km).
Najwjetše přitoki Kaspiskeho morja su Wolga, Ural a Kura.
Wulke města na brjoze Kaspiskeho morja su na přikład Machačkala (stolica Dagestana), Baku (stolica Azerbajdźana) a přistawnej měsće Türkmenbaşy w Turkmenistanje a Aktau w Kazachstanje.
This article uses material from the Wikipedia Hornjoserbsce article Kaspiske morjo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.