Islã (áraveñe'ẽme: الإسلام, al-Islām) hína jerovia he'íva oikónte peteĩ Tupã, heko tee ha ijeroviapy ou ku aranduka marangatu hérava Korã, ipype he'i «Ndaipóri Tupã ituichavéva Alágui ha Muhámad hína imomaranduhára paha».
Ko ñe'ẽngue áraveñe'ẽ oúva, Allah, ojehaíva Ala guaraniñe'ẽme, he'ise Tupã térã Jeroviaha Guasu.
Umíva Islã roviahakuéra oñembohérava musulmã. Ha'ekuéra ojerovia Maóma (Muhámad) ha'e akue Tupã imomaranduhára paha, Tupã ombo'u chupe ha ombopa iñemomarandu.
Ikatu oĩ amo 1.500 sua musulmã opaite Yvy ári. Islã hína upe tupãrape orekovéva tapicha jeroviahára ipype, Hesu rape rire.
Islã oñepyrũ ary 622-pe, táva Méka-pe ko'ãga oĩva Aravia Saudíta retãme.
Paraguáipe oĩ amo 2.750 Islã roviahakuéra. Ha'ekuéra ou Lívano pegua, Ehípto ha ambue tetã pegua. Oĩ 5 Islãróga guasu Paraguái retãme, táva Paraguaýpe, Encarnación, Pedro Juan Caballero ha Ciudad del Este-pe.
This article uses material from the Wikipedia Avañe'ẽ article Islã, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.