An futbol (Ingles: football), inaapod man bilang soccer, iyo sarong klase nin sipaang bola o isports na kinakawat nin duwang koponan, na may 11 na parakawat gamit an sarong bilog na bola.
Ini iyo kinawat na nin lagpas 250 milyong parakawat sa 200 na nasyon, kun kaya ini an pinakabistadong kawat sa biog na kinaban. An isports iyo pigkakawat sa sarong korteng-rektangulong batawan na may goal sa lambang puro kaini. An katuyohan kan kawat iyo maka-puntos gamit an gabos na parte nin hawak puwera sa kamot asin takyag, tanganing makaduman an bola sa goal kan kalaban.
An lambang koponan iyo binibilog nin 11 na parakawat. Saro sa sainda an nagsisirbing goalkeeper o bantay sa goal. Siya sana an dapat magkapot sa bola kun nasa laog sana kan saindang penalty area. Masirbe man na outfield player o outfielder an sampulo. Ginagamit ninda an saindang mga bitis tanganing hiruon asin ipasa an bola. Pwede man nindang gamiton an payo asin hawak tanganing makakua nin sarong goal. An koponan na may pinakadakol na goal pagkatapos kan kawat iyo an manggagana. Kun magkapareho nin iskor an duwang koponan pagkatapos kan kawat, pwedeng tabla o magkakaigwa nin labing oras (o extra time sa Ingles) asin/o sarong penalty shootout base sa mga kasuguan kan kompetisyon. An Laws of the Game iyo an orihinal na sistema sa Inglatera kan The Football Association kaidtong 1863. An futbol iyo pankinabang napapasairarom sa Fédération Internationale de Football Association o "FIFA" na nagpoon kan FIFA World Cup na piggaganap kada apat na taon.
An Wiki Commons igwa nin medya dapit sa Futbol. |
This article uses material from the Wikipedia Bikol article Futbol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.