Ккурккулал Зайду: Лакку шаэр
Ккурккулал Зайду (? – 1882), Лакку шаэр.
Ислам-Булатлул арс Ккурккулал Зайду увсса чIун кIул хьун дурар. ИвкIуссар 1882 шинал ссивирлив, Томский губерниялий. Дуклай ивкIун ур Гъумук, цIанасса Рутуллал райондалийсса Щиназиял щяраву. Зайдул ххуйну лархьхьуссар алгебра, геометрия, астрономия, логика ва цаймигу элмурду. Зайду цачIава къуллугърай ивтун ивкIсар Агълар-ханнал. Зайдул чивчуссар личIи-личIисса элмурдал луттирду, аьраб терминну лакку мазрайн таржума дурсса «Якьут алмикьат» тIисса словарь.
1913 шинал Темир-Хан-Щурагь аьраб мазрай ита бавкьусса «Диван ал-Мамнул» тIисса ХIасан Алкьадаринал луттираву бур лу чивчунал Зайдухассагу, Зайдул цала лакку мазрай бувсса шеърирдугу.
1877 шинал, Дагъусттаннал ва Чачаннал халкь паччахIнал низамирттайн къарщину гьаз хьусса бунтравух гьуртту хьуну тIий, Зайду тIайла увккун ивкIссар Сибирьнавун. Тиха чивчуссар Зайдул буттал кIанайн тамансса шеърирдал чагъарду.
Ми чагъардал ссивирливминнал хIасратру чIалачIи даву дакъассагу, асар хьунну хьхьичI дацIан дуллай дур та чIумул сурат: багьу-бизу, бунтравух гьуртту хьуминнал пикри-зикри, паччахIнал бас бувну гьан бувминнал тагьар.
This article uses material from the Wikipedia Лакку article Ккурккулал Зайду, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Если не указано иное, содержание доступно по лицензии CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лакку (DUHOCTRUNGQUOC.VN) is an independent company and has no affiliation with Wiki Foundation.