Каспий хьхьири

Каспий хьхьири
Каспий хьхьири
	азирб. Xəzər dənizi; казах. Каспий теңізі
Впадающие в озеро реки	Астара[d], Атрек[d], Волга[d], Горган (река)[d], Кума[d], Кура[d], Кусарчай (река)[d], Рубас[d], Самур[d], Сефидруд[d], Сулак[d], Терек[d], Уллучай[d], Урал[d], Шураозень[d], Эмба[d], Пирсаат[d], Болгарчай[d], Сумгаит[d], Кура[d], Сардаб[d], Болда[d], Neka River[d], Суходол[d], Карачай[d], Хераз[d], Дарвагчай[d], Камызяк[d], Siah Rud (Mazandaran)[d], Talar River[d], Рудхайне-Баболь[d], Теджен[d], Юринский Банк[d], Иголкин Банк[d], Самур-Апшеронский канал[d], Кудиалчай[d], Кривой Банк[d], Виляшчай[d], Васильевский Банк[d], Бузан[d], Белинский банк[d], Дельта Волги[d], Tashkuh River[d] и Galand River[d]
Водосборный бассейн	Caspian Sea Basin[d]
Бассейн объекта в странах	Аьрасат, Казахстан, Туркменистан[d], Иран и Азирбижан
Площадь бассейна	3 500 000 квадратный километр
Солёность	12,5 ‰
Названо в честь	Касситы[d]
Государство	Иран; Аьрасат; Казахстан; Азирбижан; Туркменистан[d];
Находится в пределах природно-географического объекта	Арало-Каспийская низменность[d]
Высота над уровнем моря	−28 метр
Периметр	7000 km
Длина	1200 km;
Ширина	435 km
Вертикальная глубина	1025 метр и 211 метр
Площадь	386 400 квадратный километр;
Объём	78 700 кубический километр
Категория бассейна	Категория:Бассейн Каспийского моря[d]
	Каспий хьхьири
	Медиафайлы на Викискладе

Ка́спий хьхьири (Ка́спий, латӀин. Caspium mare ягу нукӀу заман.-грек. Κασπία θάλασσα, Kaspía thálassa, оьрус Каспийское море) — хъанахъиссар Аьрщарей яла хъунмамур лавкьусса водоём^[1]. Ва мукумма бюхъайссар хӀисав буван яла хъунмамур бярну, ягу хьхьирину, цилва куртӀшиврух, цӀу-бушиврух, ягу хӀасул шаврих бурувгун. Хьхьирил чӀан хӀасул хьуну дур океанналил чӀан куннасса аьрщарал къатния.

Бивхьуну буссар Европанал ва Азиянал дазуй. Хьхьиривусса щин дур чанну цӀу бусса. Щинал лахъшиву дур личӀи-личӀийсса, 2009-ку шинал дур 27,16 м лагьну Дунияллул океанналулнияр^[2].

ЦӀанасса чӀумал Каспий хьхьирил бувгьуну бур 390 000 дирсса км², яла куртӀмур кӀану — 1025 м.

ЦӀа дуккаврил тарих

ЦӀанасса оьруснал цӀа, н.з.оьрус. кӀанттей. Хвалисс хьхьири — цӀусса, луттирайсса — буккан бувну бур латӀ. Caspium Mare, ягу Caspium pelagus, ва н.грек. Κασπία θάλασσα (Kaspía thálassa), Κάσπιον πέλαγος (Káspion pélagos; Страбон ва м.ц.), ва мукумма ца гипотезалийн бувну хьхьирил цӀа хӀасул хьуну дур каспинал, тайпалул цӀания, нукӀу заманнул азаруку шинал баргълагавал чулухсса хьхьирил зуманив яхъанай бивкӀсса.

Тарихрал мутталий Каспий хьхьирил диркӀун дур 70-ннин дирсса цӀарду личӀи-личӀисса халкьуннал ва тайпардал:

Гиркан (Джурджан) хьхьирри — нукӀузаманнул грекнал шагьрулия Горган ва Гиркания провинциялия.
Хвалын хьхьири ягу Хвалисс хьхьири — нукӀузаманнул оьрус цӀа, хьуну дур Хорезм хӀукуматрал цӀания^[3] (цамунин бувну, хвалиснал халкьуннал цӀания, ухссавнил чулух хьхьирицӀ яхъаней бивкӀсса);
Хазар хьхьири — аьрабнал (Бахр-аль-хазар), парснал (Дарья-е хезар), туркнал (Hazar denizi), азербайджаннал (Xəzər dənizi), къиримтатарнал (Хазар денъизи), туркменнал (Hazar deňizi), къумукьнал (Хазар денгиз) мазурдий;
Къумукь хьхьири^[4] — къумукь халкьуннал цӀания.
Таркиннал хьхьири^[5] — Тарки тӀисса къумукьнал шамхаллугърал шагьрулул цӀания.
Абескун хьхьири — Куры тӀисса неххал зуманив бивхьусса шагьрулия ва жазиралия, XIV ттуршукушинал хьхьирил лув личӀаннин.
Сарай хьхьири;
Дарбант хьхьири — Дагъусттанейсса Дарбант шагьрулул цӀания;
Сихай

ва цеймигу цӀарду^[6].

Азербайджанннаву ва Иранннаву Каспий хьхьирийн цӀанасса чӀумалгу Хазар ягу Мазендеран учейссар (Ираннал хьхьирицӀсса провинциялий яхъанейсса халкьуннан хас бувну).

Хьхьири бивхьусса кӀану

Каспий хьхьири бивхьуну бур Европанал ва Азиянал дяличӀулий. хьхьирил лахъишиву ухссавнил чулуха кьиблалинммей 1200 км дирсса (36°34'—47°13' у. у.), баргълагавал чулуха баргъбуккавал чулинмей — 195—435 км, дянивсса лахъишиву 310—320 км (46°—56° б.б. л.).

Физико-географический условиярдейн бувну Каспий хьхьири бачӀлейссар шанма бутӀуйх:

Ухссавнил Каспий (25 % хьхьирил площадрая),
Дянивму Каспий (36 %),
Кьиблалул Каспий (39 %)^[7].

Ухссавнил ва Дянивмур Каспийлул дазу хӀисав дувейссар Чечень жазиралул аьщуйх — мыс Тюб-Караган, Дянивмур ва Кьиблалул Каспийрал — Чилов жазиралул аьщуйх — мыс Ган-Гулу^[8].

Зуманихалу

Побережье Каспийского моря в Туркмении

Дагъусттаннай пляжру

Каспий хьхьирицӀсса аьщарайн хьхьирицӀалу учейссар.

Каспий хьхьирил лахъишиву хьхьирил зуманил 6500—6700 километра, жазирардащал — 7000 километралийн дирсса. Хьхьирил зумарду чӀявучин лагьсса ва дюрчӀусса дуссар. Ухссавнил чулухасса зумарду неххардил ххябуттирду дурну дур Урал неххал ва Волга неххал дельталул, цирдагу дур лагьсса, ва ялтту щинал урттурал даркьусса. Баргъбуккавал чулух хъунмур кӀану известнякирдал дургьуну дур къунналил чулланищал цачӀун хьуну. Яла чӀяруми дулантту дагьсса зумарду дур баргълагавал чул Апшерон бачӀи жазиралул даралуву ва баргъбуккавал чул Казахнал бугъазрал ва Къара-Богъаз-Гоьлланил.

БачӀи жазира

Хъуними бачӀи жазира:

Апшероннал бачӀи жазира, бивхьуну бур Каспий хьхьирил барглагавал чулсса зуманицӀ Азербайджаннаву, ухссавния баргъбуккавал чулиннейсса Хъунмасса Ккавкказнал зуманив. Мунил аьрщарай бивхьуну бур Баку ва Сумгайыт тӀисса шагьрурду.
Мангышлак, бивхьуну бур баргъбуккавал чулухсса зуманив, Казахстаннаву, мунил аьрщарай бур Актау тӀисса шагьругу.
Аграханннал бачӀи жазира
Бузачи
Мианкале
Тюб-Къарагъан

Жазира

Каспий хьхьириву буссар 50 бивсса хъунисса ва дянивсса жазира, миннул бувгьуну бур 350 км² бивсса кӀану.

Яла хъуними жазира:

Ашур-Ада
Гарасу
Гум
Даш-Зиря
Боьюк-Зиря
Зенбил
Кюр-Дашы
Хере-Зире
Огурчин
Сенги-Муган
Тюленнал
Тюлень жазирарду
Чечень
Чигил

Бугъазру

Хъунисса бугъазру:

Аграхан бугъаз
Кизляр бугъаз
ДиркӀусса Култук (хьхьичӀвасса Комсомолец, хьхьичӀ. Цесаревич бугъаз)
Кайдак
Мангышлаккуллал
Казахнал
Кендерли
Туркменбашы (бугъаз) (хьхьичӀвасса Красноводский)
Туркмен (бугъаз)
Гызылагач (хьхьичӀвасса Кировлул цӀанийсса бугъаз)
Астрахан (бугъаз)
Эсенгулы
Гызлар
Гиркан (хьхьичӀ. Астарабад)
Энзели (хьхьичӀ. Пехлеви)
Кара-Богаз-Гол

Кара-Богаз-Гол

Залив Кара-Богаз-Гол в сентябре 1995 года

Баргъ буккавал зуманицӀ буссар Кара-Богаз-Гол тӀисса цӀилщинал бяр, 1980-ку шинайн бияннин му бур Каспий хьхьирил бугъаз-лагуна, къумасса проливравух хьхьиривун багьлейсса. 1980-ку шинал бувну бур дамба, Кара-Богаз-Гол Каспий хьхьирия личӀи буллейсса, 1984 шинал дурну дур щин итадакьейсса сооружение, мунияр махъ Кара-Богаз-Голланивусса щинал уровень цаппара метрардал яларей дагьну дур. 1992 шинал пролив хӀасул дурну дур, мунивух щин Каспий хьхьирива Кара-Богаз-Голланивун дахьлей ва ссихӀирейн дуклей дур. Гьарца шинал Каспий хьхьирива Кара-Богаз-Голланивун дахьлей дур 8—10 кубический километра щинал ва 15 млн тонналийн бивсса цӀийл.

Каспий хьхьирривун дагьлагьисса нехру

Каспий хьхьиривун дагьлай дур 130 нех. Каспий хьхьиривун дагьлейсса, хъунисса нехру — Волга, Дарвагчай, Рубас, Сулакь, Самур, Терек (Россия), Урал, Эмба (Казахстан), Кура (Азербайджан), Атрек (Туркмения), Горган, Сефидруд (Иран). Хьхьиривун дагьлейсса яла хъуннамур нех — Волга, мунивату шинал мутталий дагьлей дур 215—224 км³ щинал. Волга, Урал, Терек, Сулак ва Эмбалул дуллей дур 88—90 % шинал мутталий хьхьиривун дагьлейсса щинал. Шинал мутталийсса дянивсса дуцала хъаней дур 290 км³ щинал^[9].

ХьхьирицӀсса хӀукуматру

ХӀукуматирдал дянивсса экономикалул конференциялийн бувну:

Каспий хьхьирил шюшлай дур ххюра хьхьирицӀсса хӀукуматрал зумарду.^[10]:

Казахстан — ухссавнил чулухату, ухссавния баргъбуккавал чулухунней ва баргъбуккавал чулуха, хьхьирил зуманил лахъишиву 2320 км дирсса;
Иран — кьилвалул чулуха, хьхьирил зуманил лахъишиву — 724 км дирсса;
Туркмения — кьилвалия баргъбуккавал чулинней, лахъишиву 1200 км дирсса;
Россия — баргълагавал ва ухссавния баргълагаввал чулинней, лахъишиву 695 км дирсса;
Азирбижан — кьилвалия баргълагавал чулинней, лахъишиву 955 км дирсса^[10].