Rhode Island

Rhode Island
(Detailer) (Detailer)
Spëtznumm: The Ocean State; Little Rhody
Lëscht vun alle Bundesstaaten
Haaptstad:	Providence
Gréisst Stad:	Providence
Gouverneur:	Daniel McKee
Fläch:  - Total:  - Waasser:	Op 50. Plaz 4.001 km² 13,9 %
Bevëlkerung:  - Total:  - Dicht:	Op 43. Plaz 1.097.379 (2020) 409,81/km²
Opgeholl als Memberstaat:	29. Mee 1790 (13ten)
Zäitzon:	UTC-5/-4

Bis November 2020 war den offiziellen Numm nach „State of Rhode Island and Providence Plantations“, wat awer no der Wal vun 2020 gekierzt gouf no nationale Protester géint Rassismus.

Rhode Island ass dee klengsten US-amerikanesche Staat, mä mat 3.140 km2 trotzdeem nach ëmmer méi grouss wéi Lëtzebuerg. En ass 60 km breet a 77 km laang. E läit an Nei-England a grenzt am Norden an am Osten un de Massachusetts, am Westen un de Connecticut an am Süden un den Atlanteschen Ozean. Donieft huet en nach eng Séigrenz mam Staat New York.

Dem Staat säin héchsten natierleche Punkt ass den Jerimoth Hill op 247 m. Generell ass Rhode Island éischter flaach.

2015 gouf geschat, datt ronn eng Millioun Leit am Staat gewunnt hunn, vun deene sech 84,8 % als wäiss Amerikaner, 14,4 % als Hispanic/Latino, 7,9 % als Afroamerikaner, 3,6 % als asiatesch an 1 % als Indianer identifizéiert hunn, woubäi ee méi wéi enger Kategorie konnt uginn.

D'Duerchschnëttsakommes louch tëscht 2010 an 2014 bei 56.423 US-Dollar pro Stot an 30.765 USD op de Kapp.

•  
  Kaart vu Rhode Island
•  
  De Rhode Island State Capitol
•  
  De Finanzzentrum vu Providence
•  
  D'Claiborne Pell Newport Bridge
•  
  Op der Küst
•  
  D'Grace Church

Commons: Rhode Island – Biller, Videoen oder Audiodateien

• Offiziell Websäit vu Rhode Island