Marcel Cahen: Lëtzebuergesche Politiker

Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Abrëll">9. Abrëll 1887 an der Stad Lëtzebuerg an do gestuerwen de 15. November 1949 war e lëtzebuergeschen Industriellen an e liberale Politiker.

Marcel Cahen
Gebuer	9. Abrëll 1887 Lëtzebuerg
Gestuerwen	15. November 1949 Lëtzebuerg
Nationalitéit	Lëtzebuerg
Aktivitéit	Politiker, Industriellen
Partei	Radikal Partei, Radikal-Sozialistesch Partei

Hie war vun 1922 bis 1940 Deputéierten an der Chamber a vun 1921 bis 1940 Schäffe vun der Stad Lëtzebuerg. Den 12. Mäerz 1945 gouf hien als fréieren Deputéierten an d'Assemblée consultative genannt.

1928 huet hien zesumme mam Gaston Diderich an dem Albert Clemang d'Radikal Partei gegrënnt, eng liberal Beweegung, an och d'Zeitung Freie Presse.

1932 huet d'Radikal Partei sech mat der Radikal-Sozialistescher Partei zu der Radikal-Liberaler Partei zesummegedoen, an där hie weider Member blouf.

De Marcel Cahen war President vun der lëtzebuergescher Vëlosfederatioun (F.S.C.L.) vum 25. November 1934 bis den 10. Mee 1940.

De Marcel Cahen war e lëtzebuergesche Fräimaurer.

Eng Strooss zu Märel, de Boulevard Marcel-Cahen, ass no him genannt.

• Commandeur vum Ordre de la Couronne (Promotioun 1926)
• Officier vum Ordre de Mérite civil et militaire d'Adolphe de Nassau
• Officier vum Ordre de la couronne de chêne (Promotioun 1935)
• Officier vun der Légion d'honneur
• Officier vun der couronne d'Italie