Lycée Ermesinde: Secondairesschoul zu Miersch

Am Joer 2012 huet de Lycée déi provisoresch Container zu Hollerech verlooss an ass an nei Gebaier zu Miersch geplënnert.

Lycée Ermesinde

De Lycée Ermesinde um Campus scolaire zu Miersch
(LEM)
Typ	Secondairesschoul, ëffentlech Schoul
Regimm	Classique, General
Land	Lëtzebuerg
Uertschaft	Miersch
Leedung	Jeannot Medinger
Schülerzuel	644
	September 2022
Ënnersteet der/dem	Ministère fir Bildung, Kanner a Jugend
Gegrënnt	2005
Genannt no	Ermesinde vu Lëtzebuerg
Um Spaweck	http://www.lem.lu/

Zum Lycée gehéiert de Schoulrestaurant „Melusina“ an d'Internat „Sigfrid“.

De Lycée gouf duerch e Gesetz vum 25. Juli 2005 portant création d'un lycée-pilote gegrënnt. Seng Organisatioun gouf duerch e groussherzoglecht Reglement vum 10. August 2005 festgeluecht.

E krut den Numm Neie Lycée well et deemools nach eng Pilot-Schoul war, déi an enger Testphase war. E sollt awer och zum Ausdrock bréngen, datt et eng Schoul ass, déi en anere System huet wéi déi aner Schoulen zu Lëtzebuerg. Notamment ass den Neie Lycée eng Ganzdagsschoul.

Wéi d'Schoul opgoung gouf et just Septième-Klassen. Am Joer 2006 hat se 260 Schüler. Fir d'Rentrée 2007 koume 6^e- a 5^e-Klassen derbäi. Vum Schouljoer 2009/2010 gouf mat der 3^e schrëttweis och den ieweschten Zyklus vum Secondaire ugebueden. Déi éischt Schüler hunn am Joer 2012 hire Premièresexamen do gemaach.

Duerch d'groussherzoglecht Reglement vum 24. Februar 2012 krut d'Schoul den Numm Lycée Ermesinde.

• zanter 2005: Jeannot Medinger

Branches disciplinaires

• Sproochen: Franséisch, Englesch, Däitsch, Latäin, Chineesesch a Lëtzebuergesch

• Mathematik

Branches interdisciplinaires

• « Art et société »: Geschicht, Anthropogeographie, Konscht a Musek, Éducation civique;
• « Éducation aux valeurs »;
• « Sciences et techniques »: Physik, Chimie, physesch Geographie, Biologie;
• « Sport et santé »: Sport an Deeler vun der Humanbiologie.

Eemol an der Woch ass Tutorat, do soen d'Schüler engem Tuteur oder enger Tutrice, wat si an der Woch gemaach hunn.

All Schüler „schafft“ zäitweis an enger oder zwou schoulinternen Entreprisen. Déi eenzel Entreprise si Produktiounseenheeten déi vun spezialiséiertem Personal mat Firmenerfaarung geleet ginn.

Am Lycée gëtt et 16 Entreprisen:

• Secondairesschoulen zu Lëtzebuerg

Commons: Lycée Ermesinde – Biller, Videoen oder Audiodateien

• D'Websäit vum Lycée Ermesinde
• Pourquoi Ermesinde ? Artikel iwwer den Numm vum Lycée
• Neue Freiheit im Container (archivéiert) D'Land vum 23. Dezember 2005.