Jean Morbach: Lëtzebuergesche Schoulmeeschter an Ornitholog

Juni 1884 zu Fréiseng a gestuerwen den 29. Januar 1967, war e lëtzebuergesche Schoulmeeschter an Ornitholog.

Jean Morbach
Gebuer	15. Juni 1884
Gestuerwen	29. Januar 1967
Nationalitéit	Lëtzebuerg
Aktivitéit	Ornitholog, Schoulmeeschter

De Jean Morbach war Schoulmeeschter zu Konstem (1903-1908) an zu Esch-Uelzecht (1909-1944). 1910 gouf hie Sekretär vum nei gegrënnten «Geflügel- und Kaninchenzüchterverein» vun Esch-Uelzecht. 1918 huet hien de «Cercle horticole de la ville d'Esch-sur-Alzette» («Escher Gartenbaugenossenschaft») matgegrënnt, an 1920 de « Verein für Tier- und Heimatschutz » aus deem hien 1921 d'«Ligue luxembourgeoise pour la protection des oiseaux utiles» gemaach huet, där hire Sekretär hie vun 1921 bis 1946 war.

Am Abrëll 1941 gouf d'«Ligue luxembourgeoise pour la protection des oiseaux» vum preiseschen Okkupant ëmgedeeft an duerch de «Verband für Vogelschutz» ersat. De Jean Morbach blouf weiderhi Generalsekretär an hien huet sech och ëm de Bulletin vum neie Verband, dee vu Januar 1942 bis Januar 1944 mam Titel «Der Vogelfreund» erauskoum, gekëmmert. President (Leiter) vum Verband war de Franz Huberty, Éiereforstinspekter zu Gréiwemaacher.

De Morbach gouf 1946 wéinst Kollaboratioun zu engem Joer Prisong a 50.000 Frang Strof verurteelt.

De Morbach huet Wierker publizéiert wéi: «Der praktische Vogelschutz» (1924), «Jagdgesetz und Vogelschutz» (1924), «Ackerbau, Jagd und Vogelschutz» (1928). Säi bekanntst Wierk sinn d'«Vögel der Heimat», néng Fasciculen tëscht 1928 an 1937, an duerno eng nei Serie mat sechs Bänn tëscht 1939 an 1967. Dee leschte Band war am Drock, wéi de Morbach gestuerwen ass. De Morbach war den anonymmen Auteur vun der éischter Editioun vum Täschebuch «Die bekanntesten Vögel Luxemburgs», dat d'Vulleschutzliga 1949 erausginn huet.

• Anonyme, 1967. Zum Tode von Johann Morbach (1884-1967), Gründer des Luxemburger Landesverbandes für Vogelkunde und Vogelschutz. Regulus 47 (1967), Bd. 9 (2), S. 23-26.
• Heuertz, M., 1968. Jean Morbach. Archives de l'Institut grand-ducal de Luxembourg, Section des sciences naturelles, physiques et mathématiques NF 23 (1967): 10-12.
• Massard, J.A., 2015. La Société des naturalistes luxembourgeois de 1890 à 2015. Bulletin de la Société des naturalistes luxembourgeois 116, S. 5-302 [Jean Morbach: S. 165,-166, 167].
• Schmitt, R., 1967. À la mémoire de Jean Morbach, 1884-1967. Journal des Instituteurs 58 (1967), N° 3/4: 36-37.