Eiffeltuerm: Tuerm zu Paräis
Den Eiffeltuerm ass en eisenen Tuerm zu Paräis.
E gouf am Puddeleise vum Gustave Eiffel a senge Mataarbechter vun 1887 bis 1889 fir d'Weltausstellung 1889 opgeriicht. En ass och eng Erënnerung un den 100. Joresdag vun der Franséischer Revolutioun.
D'Iddi fir den Tuerm hat de Schwäizer Architekt Maurice Koechlin zesumme mat sengem Aarbechtskolleg Émile Nougier. D'Pläng fir den Tuerm goufen am Koechlin sengem Optrag vum Stephen Sauvestre ausgeschafft, an de Brevet gouf vum Eiffel opkaaft.
E gouf a 26 Méint vun engen 250 Metallaarbechter zusummegenitt, aus 18.038 virfabrizéierten Eenzeldeeler an 2,5 Milliounen Nitten.
Den Tuerm steet am 7. Arrondissement op der Nordspëtz vum Champ-de-Mars, net wäit ewech vum lénksen Uwänner vun der Seine.
Am Ufank war den Tuerm 300 Meter héich, doduerch datt am Laf vun der Zäit ëmmer méi Antennen dropgesat goufen, huet en elo eng Héicht vun 324 Meter, a weit ronn 10.000 Tonnen.
Den Eiffeltuerm war 40 Joer laang den héchsten Tuerm vun der Welt.
Hie gouf fir vill wëssenschaftlech Experimenter gebraucht, an hautdesdaags stinn Antennen drop fir Radios- an Televisiounssendungen.
Kuckt och
Um Spaweck
| Commons: Eiffeltuerm – Biller, Videoen oder Audiodateien |
This article uses material from the Wikipedia Lëtzebuergesch article Eiffeltuerm, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.