Iustinus Martyr

100; mortuus Romae c. 165) fuit philosophus Christianus sive apologeta, qui Graece scripsit, et martyr suae religionis.

Iustinus parentibus non Christianis natus est Flavia Neapoli Samariae circa annum centesimum. Ephesi studiis incubuit; sollicitissimi ingenii cum esset, disciplinas Stoicorum, Pythagoreorum, Peripateticorum et Platonicorum, aliam post aliam didicit; apud Platonicos autem de spiritus rebus se veritatem invenisse arbitrabatur. Postea autem, ut ipse scripturus erat, id, quod praestantissimum sibi videbatur, Platonicorum disciplina docere non potuit.

Senex vero quidam, sapiens Caesariensis, ei persuasit absolutam veritatem, quae difficillimis etiam hominibus satisfaciat, in religione Christiana tantum repertam iri. Cum tricesimum aetatis suae annum ageret, Christianus tandem factus est.

Romam profectus est ibique mansit, ut philosophiam Christianam doceret; aliquando publicas protrudebat disputationes de rebus divinis. Multis operibus, quorum duae Apologiae et Dialogus cum Tryphone ad nos devenerunt, sive fidem explicando sive adversariorum errores confutando, summam Christianae doctrinae confecit; antiquissimos Eucharistiae aliorumque sacramentorum ritus, quibus Ecclesia saeculo II utebatur, optime descripsit; ecclesiae defensor se praebuit.

Crescentius et Trypho Iustinum indicaverunt Christianum esse; quapropter damnatus est et cum suis sociis decollatus, Marco Aurelio imperatore, circa annum centesimum sexagesimum quintum.

 

Scriptorum gratia nomen "patris ecclesiae" meruit. Ecclesia Catholica festum diem Iustini, philosophorum patroni, die 1 Iunii celebrat.

Lege Ἰουστῖνος ὁ Μάρτυρ ("Iustinus Martyr") apud Vicipaediam lingua Graeca antiqua scriptam

• Bernd Wildermuth, "JUSTINUS" in Biographisch-Bibliographisches Kirchenlexikon  vol. 3 (Herzberg, 1992. ISBN 3-88309-035-2) , columnae 888–895 (Theodisce)
• De Iustino in The Catholic Encyclopedia: an international work of reference (Novi Eboraci: Appleton, 1907–1914) (Anglice)
• Philippe Bobichon Dialogus cum Tryphone t. 1 t. 2
• Opera omnia Iustini (Anglice)
• Opera Iustini (Theodisce)
• Lectio papae Benedicti XVI de Iustino inter audientiam generalem die 21 Martii 2007 (Italiane)

• M. von Engelhardt, Das Christentum Justins des Märtyrers; Erlangen 1878
• E.R. Goodenough, The Theology of Justinus; Jena 1923
• Franz Overbeck, Ueber das Verhältniss Justins des Märtyrers zur Apostelgeschichte; 1872