Harmandir Sahib (Peniabice ਹਰਿਮੰਦਰ ਸਾਹਿਬ), etiam Darbar Sahib (Peniabice ਦਰਬਾਰ ਸਾਹਿਬ, /dəɾbɑɾ sɑhɪb/), et Templum Aureum facile appellatum, est sacrosanctissima gurduara Sikhisticum, Amritsar in urbe Panjabica Indiae situm.
Urbs anno 1574 condita est a Guru Ram Das, quarto guru Sikhistico, templum designatum ab Arjan, quinto guru, qui fecit ut fundamenta agerentur a Sai Hazrat Mian Mir, sancto Sufistico, die 28 Decembris 1588. Guru Arjan Guru Granth Sahib, scripturam sanctam Sikhismi, anno 1604 confecit, quam in gurduara inauguravit.
Templo sunt quattuor ianuae, quae liberalitatem Sikhorum erga omnes homines et religiones pertinentem significant. Gurduara hodierna anno 1764 a Jassa Singh Ahluwalia et aliis Misl Sikhis refecta est. Maharaja Ranjit Singh regionem Panjabicam ab impetu externo saeculo undevicensimo ineunte munivit ac superiora gurduarae tabulata auro texit, speciem propriam usitatumque nomen constituens.
Harimandir Sahib a Sikhis habetur sacrum. Guru Granth Sahib, sanctissimus Sikhismi textus, intra gurduaram diu adest, et in Sukhasan nocte quiescit. Aedificatores locum venerationis aedificandum plerumque voluerunt ubi viri et mulieres omnium consuetudinum et religionum Deum venerari aeque poterint. Plus quam 100 000 hominum fanum sanctum ad venerationem quotidie visunt, ubi culinam communalem et cenam (langar) libere partire possunt, quod est proprietas omnium gurduararum Sikhisticarum.
Vocabulum Harmandar etiam scribitur Harimandar, Harimandir, et Harmandir. Aedificium etiam appellatur Darbār Sahib, quod 'spectatores sacros' significat, et Templum Aureum eius sancti auro tecti causa. Vocabulum harmandir est compositum binorum verborum, hari 'deus' et mandir 'templum' et 'domus'. Traditioni Sikhismo sunt aliquot gurduarae Harmandir Sahib appellatae, sicut templa in Kiratpur et Patna; ex quibus aedificiis, templum Amritsar situm maxime colitur.
Vicimedia Communia plura habent quae ad Templum Aureum spectant (Harmandir Sahib, Golden Temple (Harmandir Sahib)). |
This article uses material from the Wikipedia Latina article Harmandir Sahib, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.