Gaslighting est dictio Anglica quae certam significat violentiam psychicam, qua quis in eam suspicionem adducitur, ut sese insania laborare credat.
Quae locutio ex fabula Gas Light a Patricio Hamilton anno 1938 confecta pelliculisque in eadem positis originem trahit. In qua enim fabula de quodam viro agitur, qui parvas in vita cotidiana res furtim variando uxorem suam, ut desipire se credat, inducere conatur. Nomen fabulae ad obscurationem luminum gasalium in domo adpositorum refertur. Dum enim maritus in summo tabulato lumine gasali usus clam thesaurum celatum quaerit, lumina in cubiculo uxoris aliquantum demissa micant. Quam autem obscurationem luminum gasalium uxor perterrita hebetationem suorum oculorum insania effectam esse credit.
Dehinc igitur gaslighting praesertim apud Anglophonos ad talem refertur violentiam psychicam, qua uti solent verbi gratia sociopathes et narcissistae, quibus saepe contingit culpam in victimas suas transferre.
This article uses material from the Wikipedia Latina article Gaslighting, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.