Imperator Fridericus I
Fridericus I, propter colorem rubrum barbae Barbarossa Italice appellatus, Latine Aënobarbus, natus est in Germania anno 1122, mortuus est in Anatolia (hodie Turcia) die 10 Iunii 1190 dum expeditionem sacram gerebat.
Vita
Fridericus erat filius comitis Friderici II eiusque coniugis Iudithae. Fridericus Rex Romanorum die 4 Martii 1152 Francofurti ad Moenum electus et 9 Martii Aquisgrani coronatus est. Fuit successor patrui sui Conradi III, qui 15 Februarii eiusdem anni mortuus erat.
Mense Octobri 1154 Fridericus in Italiam ivit et Papiae ab Hadriano IV papa rex Italiae coronatus est.
Anno 1155 Viterbii Fridericus papae occurrit, cui illustrem emendatorem ecclesiae Arnaldum Brixiae tradidit, qui Romae necaretur.
Die 18 Iunii 1155 Fridericus Imperator Romani Imperii coronatus est. Ab anno 1157 Imperium nominavit Sacrum se ipsum successorem iudicans Constantini et Iustiniani et Caroli Magni, qui anno 1167 canonicatus erat.
Die 14 Novembris 1158 a Dieta Imperii Campis Roncaliis apud Mediolanum habita ius magistratus urbium omnium nominandi accepit.
Anno 1162 Fridericus praeclaram et opulentam urbem Italiae Mediolanum diruit.
Die 18 Aprilis 1163 Fridericus I imperator monasteria abbatissae Hildegardis Bingensis sub tutelam imperialem posuit.
At Papa Alexander III urbes Italiae contra imperatorem tam fortiter sustinuit ut novam urbem anno 1168 in Pedemontio conditam incolae Alexandriam ad honorem eius appellaverunt. Die 29 Maii 1176 apud Lenianum (Italice Legnano), vicum Mediolano proximum, Societas Lombardorum imperatorem profligavit.
Die 24 Iulii 1177 Venetiae imperator Fridericus et papa Alexander III pacem inter se conciliaverunt.
Veronae mense Novembri 1184 una cum Friderico papa Lucius III bullam "Ad abolendam" de haeresibus exstirpandis emisit.
Familia
Fridericus uxorem primam, nomine Adelam de Vohburg, anno 1147 ineunte duxit. Ex ea filios nullos genuit eamque anno 1153 repudiavit. Ex altera, Beatrice Burgundiae, quam die 17 Iunii 1156 duxit, filios et filias duodecim genuit, scilicet:
- Beatrix (mortua ante 1174)
- Fridericus (1164-c. 1169), dux Sueviae ab anno 1167
- Henricus (1165-1197), rex Germanorum ab anno 1169, imperator (patris successor)
- Conradus (1167-1191), dux Sueviae (nomine Fridericus) ab anno 1170
- filia (1168-1184)
- Otho (1170-1200), comes Burgundiae
- Conradus (1172-1196)
- Rainaldus (natus 1173, mortuus infans)
- Guillelmus (natus 1176, mortuus infans)
- Philippus (1177-1208), dux Sueviae ab anno 1191, rex Germanorum ab anno 1198
- Agnes (mortua 1184)
- Sophia (mortua 1187 vel 1188)
Fontes vitae et regni Friderici I
- Otto et Rahewinus Frisingenses, Gesta Frederici
- Carmen de gestis Frederici I Imperatoris in Lombardia
- Documenta
Notae
Bibliographia
- "Federico I imperatore, detto il Barbarossa (ted. Rotbart)" in Enciclopedia italiana
- P. Munz, Frederick Barbarossa: a study in medieval politics. Londinii, 1969
- E. Otto, "Frederick Barbarossa in seinen Briefen" in Deutsches Archiv vol. 5 (1942)
Nexus interni
Nexus externi
- "Friedrich von Staufen" e Medieval Lands (situs a Carolo Cawley elaboratus apud FMG)
 | |
| Carolus Magnus • Ludovicus Pius • Lotharius I • Ludovicus II • Carolus Calvus • Karlomannus Bavariae • Carolus Crassus • Guido Spoletensis • Lambertus Spoletensis • Arnulphus Carintiae • Ludovicus Caecus • Berengarius Foroiuliensis • Otto I Magnus • Otto II • Otto III • Henricus II • Conradus II • Henricus III • Henricus IV • Henricus V • Lotharius III • Conradus III • Fridericus I Aënobarbus • Henricus VI • Otto IV • Fridericus II • Henricus (VII) • Conradus IV • Guilielmus ab Hollandia • (Alphonsus Castellae) • Ricardus a Cornwalli • Rudolphus I • Adolphus Nassovius • Albertus I • Henricus VII • Ludovicus IV Bavaricus • Carolus IV • Venceslaus a Luxemburgio • Rupertus Comes Palatinus • Iodocus a Moravia • Sigismundus Luxemburgicus • Albertus II • Fridericus III • Maximilianus I • Carolus V • Ferdinandus I • Maximilianus II • Rudolphus II • Matthias • Ferdinandus II • Ferdinandus III • Ferdinandus IV • Leopoldus I • Iosephus I • Carolus VI • Carolus VII Albertus • Franciscus I Stephanus • Iosephus II • Leopoldus II • Franciscus II | |
This article uses material from the Wikipedia Latina article Fridericus I (imperator), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.