Elephantus, sive elephas, olim barrus, est animal ex duobus mammalium familiae Elephantidarum generibus descriptum.
Tres elephantorum species exstant: Loxodonta africana, Loxodonta cyclotis, et Elephas maximus (etiam Elephas indicus vulgo appellatus). Cetera Elephantidarum species et genera exstincta sunt, nonnullis post recentissimum aevum glaciale; nani autem mammuthi fortasse usque ad 2000 a.C.n. superfuerunt. Elephanti aliaeque elephantidae inter animalia cutem crassam habentia olim numerabantur, in Pachydermatibus, ordine nunc inrito.
Elephanti sunt maxima animalia terrestria nunc viventia. Tempus eorum gestationis est viginti duo menses—maximum omnium animalium terrestrium. Elephantus recens natus saepe pondo 120 chiliogrammatum est. Elephanti usitate a quinquaginta ad septuaginta annos vivunt, sed veterrimus elephantus notus octoginta duo annos vixit. Maximus elephantus notus, in Angolia anno 1956 glandibus plumbeis petitus, fuit mas qui pondo 24 000 librarum fuit. Minimi telluris elephanti noti, magnitudine vituli magni vel suis, fuerunt species praehistorica quae in insula Creta per Pleistocaenum habitabant.
Elephanti in cultura populari sunt omnibus locis praesentia rerum exoticarum signa.
Ficticii elephanti usitate sunt personae in litteris puerilibus, in quibus liberis sint exemplo morum optimorum, idemque sunt huius generis litterarum celeberrimae personae.
Vide elephantum in Victionario. |
This article uses material from the Wikipedia Latina article Elephantus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.