Мукай Элебаев

Түп районунун Чоң-Таш айылында 1906-жылы туулган.

Мукай Элебаев
Элебай уулу Мукай
Туулган датасы:	15 үчтүн айы 1906
Туулган жери:	Чоң-Таш айылы, Түп району, Ысык-Көл облусу
Өлгөн датасы:	бугу 1944
Өлгөн жери:	Псков облусу
Чыгармачылык жылдары:	1924—1944

1916-жылы көтөрүлүштө эл менен бирге Кытайга барат.

1917-жылы кайра Ысык-Көлгө келет.

М.Элебаев 1921-жылы Караколдогу жетим балдарды тарбиялоочу интернатка алынып, Түп районундагы зооветтехникумга өтөт.Анда үч жыл окуп, Фрунзедеги борбордук педтехникумга которулуп, аны 1930-жылы бүтүрүп чыгат.

1924-жылы Мукай Элебаевдин «Зарыгам» аттуу ыры «Эркин Тоо» гезитине басылып чыгат.

М.Элебаевдин 1931-жылы биринчи ырлар жыйнагы чыккан.

М.Элебаевдин мурастары советтик кыргыз адабиятында көрүнүктүү орунда турат.

1934-жылдан СССР Жазуучулар союзунун мүчөсү болгон.

1936-жылы Узак жол автобиографиялык романы жарык көргөн. Бул алгачкы кыргыз роман.

1943-жылы фашизмге каршы согушка аттанып

1944-жылы май айында Псков облусунда курман болгон.

М.Элебаев чебер котормочу болгон. Ал Гогольдун «Шинель», «Өлүк жандар», Л.Толстойдун Хажы Мурат, Фурмановдун «Кызыл десант» жана «Козголоң», Пушкиндин «Хандын өлгөн кызы менен жети баатырдын жомогу» жана М.Горькийдин, В.Маяковскийдин, Франконун, Сурковдун чыгармаларын которгон.

Ысык-Көл облусуна караштуу Түп районундагы Талды-Суу айылындагы орто мектепке, Ош облусундагы Базар-Коргон районундагы №1 орто мектебине М.Элебаевдин ысмы коюлган.

• Окуу китеби. – Ф.: Кыргызмамбас, 1930. – 125 б. (Жамгырчиев Ж. менен бирге.)
• Ырлар жыйнагы. (1-жыйнак). – Ф.: Кыргызмамбас, 1931. – 99 б.
• Майдан. 2-жыйнак. – Ф.: Кыргызмамбас, 1933. – 60 б.
• Ырлардын толук жыйнагы. – Ф.: Кыргызмамбас, 1936. – 80 б.
• Узак жол: Роман 1-китеп. – Ф: Кыргызмамбас, 1936. – 138 б.
• Ырлардын толук жыйнагы. – Ф.: Кыргызмамбас, 1938. – 103 б.
• Кыйын кезең: Аңгеме. – Ф.: Кыргызмамбас, 1938. – 52 б.
• Салам кат: Ырлар. – Ф.: Кыргызмамбас, 1941. – 46 б.
• Улуу марш: Ырлар. – Ф.: Кыргызмамбас, 1943. – 32 б.
• Ырлар жыйнагы. – Ф.: Кыргызмамбас, 1947. – 84 б.
• Тандалган ырлар. – Ф.: Кыргызмамбас, 1950. – 183 б.

«Узак жол» романы орус, латыш, түрк тилдерине которулган. «Кыйын кезең» түрк тилине да которулган.

Котормолору

• Данилич-Кочин А. Динамит: Аңгеме. – Ф.: Кыргызмамбас, 1934. – 31 б.
• Фурманов Д.А. Козголоң – Ф.: – Казань, Кыргызмамбас, 193 б. – 199 б.
• Маршак С.Я. Акылсыз чычкандын баласы тууралуу. – Ф. – Казань: Кыргызмамбас, 1937. – 8 б.
• Толстой Л.Н. Хаджи Мурат. – Ф.: – Казань: Кыргызмамбас, 1938. – 139 б.
• Гоголь Н.В. Шинель: Повесть. – Ф.: – Казань: Кыргызмамбас, 1938. – 46 б.
• Пушкин А.С. Хандын өлгөн кызы менен жети баатыр жөнүндө. – Ф.: – Казань, Кыргызмамбас, 1938. – 28 б.
• Пушкин А.С. Хандын өлгөн кызы менен жети баатыр жөнүндө. – Ф.: Кыргызмамбас, 1940. – 18 б.

• "Кыйын кезең" чыгармасы Archived 2017-04-22 at the Wayback Machine
• "Узак жол" чыгармасы Archived 2017-04-22 at the Wayback Machine