Түргөштөр — Түргөш кагандыгын (704–766) негиздеген түрк тилдүү уруулардын бирикмеси.
Түргөш уруулары түндүк Жетисуудан Иртышка, андан Сыр дарыянын ортоңку агымына чейинки аймактарды мекендешкен. Айрым маалыматтарда түргөштөрдүн 200 миң чамалуу болушкандыгы баяндалат. Түргөштөр кыргыздар менен өзара алакада болушканы маалым. Бул мезгилдеги саясий окуялар Саян-Алтайдагы руна сымал жазууларда кенен чагылдырылган. Түргөштөр негизинен көчмөн мал чарбачылыгы менен кесиптенишкен. Ошол эле учурда эл отурукташкан аймактар кеңейип, шаарлар көбөйгөн. Көчмөн түргөштөрдүн көпчүлүгү шаманизмге табынса, Чүй өрөөнүндөгүлөрү будда жана несторий диндерине сыйынышкан. Түргөш кагандыгы ислам динин кабыл алуудан (751-жылы) баш тарткан.
This article uses material from the Wikipedia Кыргызча article Түргөштөр, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.