Түлөев Аскар (10.
7. 1920, Чүй өрөөнү, Төкөлдөш айылы - 27. 1. 1963, Фрунзе) - композитор, кыргыз профессионал музыкасын негиздөөчүлөрдүн бири.
1934-ж. Фрунзедеги музыкалык окуу жайынын үйлөмө аспаптар бөлүмүнүн гобой классында П. Шубинден, 1935-40-ж. Москвадагы М. ИпполитовИванов атындагы мызкалык окуу жайында труба жана гобой классында, 1941-44-ж. Москва консерваториясынын кыргыз студиясында теор.-композитордук ф-тинде, 1944-51-ж. проф. В. Ференин классында окуган. Орто Азиядагы композиторлордун ичинен алгачкы жолу көлөмдүү симф. жанрдагы чыгармаларды жазган. Чыгармалары шаңдуулугу, лирикалуулугу, профессионалдуулугу менен айырмаланат. «Биринчи симфонияны» (1961), «Атай» симфониясын (1963, бүтпөй калган), «Баатырдык» симф. поэмасын жараткан. Көрүнүктүү чыгармалары: «Ук, дүйнө», «Ант» вокалдык-симфониялык поэмалары (1955), «Кыргызстан» кантатасы (М. Абд раев менен бирге, 1946), «Ким кантти?» комедиясы (М. Абдраев, А. Малдыбаев, А. Аманбаев менен бирге, 1948), «Жапалак Жатпасов» (М, Абдраев менен бирге, 1944) драмасына музыка, квартет үчүн сюита: гобой менен фортепьяно үчүн «Тоодо», «Бий» ж. б. пьесалар. «Даңктан, Кыргызстан!», «Жар көрүү», «Тынчтык ыры», «Гүлдөгөн тынчтык», «Москва сүйлөйт», «Жаштарвальсы», «Балерина», «Ак билек» сыяктуу ыр, романстарды, «Советтик Кыргызстан» аттуу даректүү фильмге, М. Абдраев менен бирге «Курманбек» спектаклине музыка жазган. «Гүлдөгүн КыргызстанЬ (1974), «Тандалмалар» (түзгөн Б. Алагушов) аттуу хорлор, ырлар, романстар жыйнактары жарык көргөн.
«Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4
This article uses material from the Wikipedia Кыргызча article Түлөев Аскар, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.