Брюссель: Бельгиянын борбору
Брюссель (нидерл. Brussel , фр. Bruxelles ) – Бельгия Королдугунун борбор шаары.
Сенна дарыясынын боюнда жайгашкан. Брабант провинциясынын администрациялык борбору. Калкы 1,4 млн (2009; 2,1 млн, шаар айланасы менен). Ири жолдор, порт, каналдар тоому. Завентем Эл аралык аэропорту бар. Улуттук жана чет өлкөлүк көп банктардын башкармалары; түрдүү машина куруу (анын ичинде автомобиль жана прибор куруу), электр-техникалык, химиялык, тамак-аш, фармацевтика, парфюмерия, полиграфия, булгаары, жеңил өнөр жайы бар. Кустардык жол менен тор, килем токуу байыртадан эле колдонулуп келген. Зергерчилик өнүккөн. Метрополитен, университет (1834-жылдан), Географиялык институт, Искусство жана ИА, Пастер институту иштейт. Эски жана заманбап искусство, Королдук көркөм өнөр жана тарых музейлери жана башка бар; Брюсселде Эл аралык конференциялар, съезддер өткөрүлүп турат. Брюссель – 12-кылымдын 2-жарымынан Брабант герцогдугунун башкы экономикалык борборунун бири. Мында Брабант герцогдорунун (кийинчерээк Нидерланддагы Габсбургдардын наместнигинин) резиденциясы болгон. Нидерланд революциясынын жүрүшүндө 1576-ж. 4-сентябрда Брюсселде чыккан көтөрүлүш өлкөнүн түштүгүндө исиандык үстөмдүктү жок кылган, бирок 1585-ж. испан аскерлери шаарды кайрадан басып алган. 1830-ж. Бельгия мамлекети түзүлгөндөн кийин, Брюссель анын борбору болгон. 1914–18-, 1940–44-жылдарда герман аскерлери басып алган. Брюсселде НАТОнун штаб-квартирасы, Европа Экономикалык Союзунун, Бенилюкстун борбордук органдары жайгашкан. 1958-ж. Бүткүл дүйнөлүк көргөзмө өткөн. 11–19-кылымдагы көптөгөн архитектуралык эстеликтер, готика стилиндеги ратуша (15-кылым) жана собор (13–15-кылым) сакталган. Шаардын тарыхый борбору, 90 метрлик коңгуроолуу готика стилиндеги ратуша Бүткүл дүйнөлүк мурастын тизмесине кирген.
| Брюссель | |||
| нидерл. Brussel фр. Bruxelles | |||
.jpg) | |||
| |||
| Өлкө | Бельгия | ||
|---|---|---|---|
| Облус түрү | регион | ||
| Облус | Брюссель борбордук региону | ||
| мэр | Фредди Тилеманс | ||
| Тарыхы жана Географиясы | |||
| Негизделген күнү | VI кылым | ||
| Биринчи белгиленген | 966 | ||
| Аянты | 32,61 | ||
| Бийиктиктиги | 13 | ||
| Калкы | |||
| Калкынын саны | ▲ 163 210 (2011) | ||
| Жыштыгы | адам/км2 | ||
| Агломерациясы | ▲ 1 831 742 | ||
| Этнохроним | брюссельдик, брюссельдиктер | ||
| Сандык идентификаторлор | |||
| Убакыт аралыгы | +1 | ||
| http://www.bruxelles.be/ | |||
.svg)
Колдонулган адабияттар
- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4
This article uses material from the Wikipedia Кыргызча article Брюссель, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.