Ros yw plasen po devis jynnweythek gans shap kylgh.
Y jif porpos yw dhe asa taklow dhe rolya; yn geryow erel, an ros a dreyl ha taklow desedhys war an rosow a way yn essa a-hys an tir. Jynn sempel yw. Pennrewl ros yw prow jynnweythek.
Klass | jynn sempel |
---|---|
Rann a | karr ha rosow, ros hag aghel |
Keskelmys gans | gwrians both ros |
Restrennow kelmys war Gemmyn Wiki |
An brassa rann a gerri tir a wra rolya war rosow. Usys yns i yn fenowgh yn koplow, junys gans gwelen a brenn po alkan gelwys aghel. An ros hag aghel a dreyl warbarth. Rann an ros junys dhe'n aghel yw gelwys both.
Ros hag aghel yw grond lies jynn, keffrys ha kerri. Ros an priweyther, an torn ha'n wyns yw ensamplow. Lies jynn a'n jeves rosow gans dens, hnwys maglennow.
Prederys yw bos an dra diskwedhys war an gledh neb sort a garven, yn-dann po ogas dhe bons. Hemma ytho a via an kynsa delinyans a ros. Aswonys yw an hanaf avel an bolla Bronocice hedhyw. Arbenigoryon a grys Hen Vesopotami dhe dhevisya an ros a-dro dhe 4000 KOK. Rosow priweythoryon, a dreyl yn frank gans jynnweyth ros-hag-aghel, a veu displegys yn Mesopotami, Irak erbynn 4200 - 4000 KOK. An ensampel kottha re dreusvewas, kevys yn Ur yn Irak hedhyw, yw dedhyes dhe 3100 KOK.
Tus yn Asi a dhiskudhas war aga honan a-dro dhe 3500 KOK. An hwarheansow Inka ha Maya a'n jevo rosow war degennow fleghes a-dro dhe 1500 KOK, mes ny veu rosow usys gansa rag ober. Ny's tevo Afrika dhe'n soth a'n difeythtir Sahara hag Ostrali rosow bys pan wrug tus ena metya tus dhyworth Europa. Rosow a-varr o plasennow soled, drefen ny veu ros gans asennow devisys bys dhe 2000 KOK. Yn skon wosa henna, displegys veu kerri bresel. An Geltyon a dhsiplegyas an tybyans a ri horn war gammek ros.
Hedhyw, usys yw rosow yn kerri tan, kertys, jynnow ebron, kadoryow ros, dewrosow, trenow ha rostellow, ha lies devis aral maga ta.
Onan a'n mil erthygel posekka war Wikipedya yw an erthygel ma. |
This article uses material from the Wikipedia Kernowek/Karnuack article Ros, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.