Keynskrif An Chartour
Keynskrif an Chartour yw bardhonek Kernewek a 41 linenn, kevys gans Henry Jenner y'n Gwithti Predennek yn 1877.
An bardhonek a veu skrifys orth keyn unn chartour (Add. Charter 19,491) warnodho an dydhyans 1340. Ytho, an keynskrif y honan a veu gwruthys wosa henna – Jenner a brofyas dydhyans a-dro dhe 1400.
Leveryas an bardhonek a soen demmedhyans yntra dew berson – dhe'n den ev a brays gnasow an venyn ("Nag eus hy far/ a barth ma dhe bons Tamar"), ha dhe'n venyn ev a gusul lelduri ("Mar a'n keffydh yn danjer/ synsa fast yndella").
Jenner a gavas an keynskrif hag ev ow hwilas geryow Kernewek war geynyow chartours yn kever Eglosstefan (yn konteth Powder ogas dhe Sen Ostell). Kynsa vershyon an gan ma a dhellos Jenner y'n Athanaeum yn 1877, ha Whitley Stokes a dhellos vershyon ewnhes y'n Revue Celtique.
Lauran Toorians a dhellos breus arnowydh yn kever an gan (The Middle Cornish Charter Endorsement – The Making of a Marriage in Medieval Cornwall, Innsbruck, 1991; ISBN 3-85124-622-5) hag ynno treylyans Sowsnek ha kampoellow a-gritik. Yn 1994, Ray Edwards a wrug dyllans an tekst hengovek warbarth gans treuslytherennans Kernewek Kemmyn.
Pennfenten
- Henry Jenner. 1904. Handbook of the Cornish Language, David Nutt, Loundres.
Tekst kowal
 | Porth Kernow – Tre rag folennow ha klassys Wikipedya a-dro dhe Gernow. |
This article uses material from the Wikipedia Kernowek/Karnuack article Keynskrif an Chartour, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.