Didhan yw furv a wrians a syns an attendyans a dus po ri plesour ha delit.
Y hyll bos tybyans po oberen, mes moy menowgh yw yth yw onan a'n gwriansow po hwarvosow a wrug displegya dre vilyow a vledhynnyow yn arbennik rag synsi an attendyans a dus.
Kyn fe attendyans tus synsys gans taklow diblans awos bos dewisyow dyffrans dhe dus, an rann vrassa a dhidhan yw aswonys. Yma hwedhla, ilow, drama, dons hag eghennow dyffrans a wrythyans yn pub gonisogeth oll. I o displegys yn furvow ughel dre dermyn ha dos ha bos kavadow dhe dus oll. An argerdh ma re beu uskishes y'n dydhyow ma gans diwysyans didhan a wra ha gwertha askorrasow didhan.
Nas posek a dhidhan yw an dus usi ow mires po goslowes hag a dreyl diskwithans privedh yn didhan. Y hyll bos rann wodhevek dhe'n viroryon, kepar ha gans tus ow mires orth gwari yn gwariji, gwari kan, towlen bellwolok po fylm; poken rann an viroryon a yll bos gweythresek, kepar ha gans gwariow po sport. Didhan a yll bos poblek po privedh hag yssynsi gwrythyans formel ha skrifys, kepar ha gans keskanow po yn gwariji; po anskrifys ha heb ynniadow, kepar ha gans gwariow fleghes. Furvow moyha a dhidhan a dhuryas dres lies kansbledhen hag esplegya awos chanjyow yn gonisogeth, teknegieth ha gis. Fylmow ha gwariow jynn-amontya, rag ensampel, kynth usyons i myski (po media) nowyttha, a bes hwath hwedhla, diskwedhes drama ha seni ilow.
Yma nebes didhan, kepar ha dibennans poblek, hag yw erbynn an lagha lemmyn y'n brassa rann a bowyow. Gwriansow kepar ha skyrmya po gwaregieth, usys yn termyn eus passys yn helghi po bresel, a dheuth ha bos sportys miroryon. Y'n keth fordh, gwriansow erel kepar ha kegina a dhisplegyas yn gwrythyansow yntra tus galwesik hag yw darlesys rag didhan.
Yma'n erthygel ma owth usya an Furv Skrifys Savonek a-barth Kernowek kres.
Onan a'n kans erthygel posekka war Wikipedya yw an erthygel ma. |
This article uses material from the Wikipedia Kernowek/Karnuack article Didhan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.