Пантелеева Серафима Васильевна (1846—1918) — медицинаын зільысь, туялысь, гижысь, аньяслысь право дорйысь.
Коми промышленник Василий Латкинлӧн ныв.
1864 воын петӧма верӧс сайӧ роч революционер Лонгин Фёдорович Пантелеев сайӧ. Регыд мысти верӧссӧ арестуйтӧны да 1866 воын Сибырӧ мӧдӧдӧны. Сы бӧрся сэтчӧ жӧ мӧдӧдчӧма Серафима Васильевна. Сибырын олӧм йылысь гижӧма «Из пережитого в шестидесятых годах» мемуаръяс.
1869 во пансигӧн С.В. Пантелеева бӧр мунӧма Петербургӧ. Сьӧм судзсьытӧмла босьтчӧма гижны журналъясӧ статьяяс да вуджӧдны роч вылӧ суйӧрсайса литература (Жуль Вернлысь «Путешествие к центру земли» роман).
Петербургын кывзылӧма народникъяслӧн тӧдчана идеолог Лавровлысь история да математикаысь, Бутлеровлысь химияысь лекцияяс. Та йылысь гижлӧма «Из Петербурга в Цюрих» казьтылӧмъяс.
1870-ӧд воясын Цюрихын шедӧдӧма медицинаысь тӧдӧмлунъяс. Туясян удж йӧзӧдӧма Германияын медицина журналын.
С.В. Пантелеева вӧлӧма аньяслӧн ӧткодь инӧд кузя Россия лигаса вице-председательӧн, «Российские ведомости» газетса корреспондентӧн.
This article uses material from the Wikipedia Коми article Пантелеева Серафима Васильевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.