Typographum vel impressorium vel instrumentum pressorium est periphericum, quod, computatro vel computatrorum reti iunctum, ut dispositivum exitus, imprimit scripta, tabellas, figuras vel alias res.
Typographa sic nominantur: per mensuram colorum (si diversis coloribus aut nigro tantum imprimunt); per velocitatem (si tarda aut celeria, id est, quot schedas imprimant per singula minuta); et per formam imprimendi (quo ritu vel qua materia imprimant).
Huiusmodi typographa imprimunt aut acu aut globo typorum. Acus aut globus typorum atramenti taeniam premunt, quae est contra schedam. Dicuntur ictus, quia taeniam percutiunt ad imprimendas res.
Dicuntur typographa iactus ea, quae ex capsulis internis atramentum emittunt contra schedam et sic imprimunt. Plurium colorum afferunt imagines.
Typographum lasericum utitur cylindro, magnetica vi ornato. Antequam scheda ingrediatur typographum, partes cylindri, ex quibus imagines vel litterae proderunt, filo coronae, uti dicitur, positiva electrostatica vi afficiuntur. Deinde, cum scheda deponitur super cylindrum, atramenti pulvis, negativa electrostatica vi ornatus, mittitur super eam. Itaque atractione contrariarum virium atramentum manet in parte imprimenda, et reiectione aequalium pulvis residuus aufertur.
Typographi caput, uti dicitur, calefacit illam schedae partem imprimendam, quae obscuratur afferendo imaginem. Quaedam huiusmodi typographa possunt binis coloribus imprimere imagines.
Vicimedia Communia plura habent quae ad instrumenta pressoria spectant (Computer printers, Printers). |
Haec stipula ad technologiam spectat. Amplifica, si potes! |
This article uses material from the Wikipedia Latina article Typographum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.