72°25′W / 19.000°N 72.417°W / 19.000; -72.417
Ti Haiti (Haitiano a Kreol: Ayiti [ajiti]; Pranses: Haïti [a.iti]), opisial a ti Republika ti Haiti (Pranses: République d'Haïti; Haitiano a Kreol: Repiblik d Ayiti), ken dati nga ammo a kas Hayti, ket ti maysa a pagilian a mabirukan iti isla ti Hispaniola iti purpuro ti Kalatakan nga Antillas iti Baybay Karibe, iti daya ket ti Kuba ken Hamaika ken iti abagatan ket ti Bahamas ken ti Is-isla Turks ken Caicos. Sakupenna daytoy ti akinlaud a tallo a pagkawalo iti isla a pakibinningaynna iti Republika a Dominikano. Iti abagatan a laudna ket mabirukan ti bassit nga isla ti Isla Navassa, a tuntonen babaen ti Haiti ngem masuppiat a kas maysa a teritorio ti Estados Unidos babaen ti pederal nga administrasion. Ti Haiti ket 27,750 kuadrado kilometro (10,714 sq mi) iti kadakkel, ti maikatlo a kadakkelan a pagilian iti Karibe babaen ti kalwa, ken addan iti nakarkulo a populasion iti 11.4 a riwriw, ken mangaramid daytoy iti kaaduan ti populasion a pagilian iti Karibe.
Republika ti Haiti République d'Haïti (Pranses) Repiblik d Ayiti (Haitiano a Kreol) | |
---|---|
Napili a pagsasao: "Liberté, égalité, fraternité" (Pranses) Motto iti tradisional nga eskudo:"Libète, Egalite, Fratènite" (Haitiano a Kreol) "Wayawaya, Ekualidad, Praternidad" "L'union fait la force" (Pranses) "Inite se fòs" (Haitiano a Kreol) "Makapapigsa ti panagkaykaysa" | |
Nailian a kanta: La Dessalinienne (Pranses) Desalinyèn (Haitiano a Kreol) "Ti Kanta a Dessalines" | |
Kapitolio ken kadakkelan a siudad | Port-au-Prince 18°32′N 72°20′W / 18.533°N 72.333°W |
Opisial a sasao |
|
Grupgrupo ti etniko | 95% Dagiti Apro-Haitiano 5% Aglalaok ken dagiti Europeano a Haitiano |
Relihion |
|
Nagan dagiti umili | Haitiano |
Gobierno | Unitario a semi-presidensial a republika |
• Presidente | Ariel Henry (agtigtignay) |
• Kangrunaan a Ministro | Ariel Henry |
Lehislatura | Parlamento |
Senado | |
Kamara dagiti Deputado | |
Wayawaya manipud iti Pransia | |
• Nairangarang | 1 Enero 1804 |
• Nabigbigan | 17 Abril 1825 |
• Umuna nga Imperio | 22 Septiembre 1804 |
• Akin-abagatan a Republika | 9 Marso 1806 |
• Akin-amianan nga Estado | 17 Oktubre1806 |
• Pagarian | 28 Marso 1811 |
• Panagkaykaysa ti Hispaniola | 9 Pebrero 1822 |
• Nawaswas | 27 Pebrero 1844 |
• Maikadua nga Imperio | 26 Agosto 1849 |
• Republika | 15 Enero 1859 |
• Panagsakup ti Estados Unidos | 28 Hulio 1915 |
• Agdama a batay-linteg | 29 Marso 1987 |
Kalawa | |
• Dagup | 27,750 km2 (10,710 sq mi) (Maika-143) |
• Danum (%) | 0.7 |
Populasion | |
• Karkulo idi 2018 | 11,439,646 (Maika-85) |
• Densidad | 382/km2 (989.4/sq mi) (Maika-32) |
GDP (PPP) | Karkulo idi 2021 |
• Dagup | $34.189 bilion (Maika-144) |
• Tunggal maysa a tao | $2,962 (Maika-174) |
GDP (nominal) | Karkulo idi 2021 |
• Dagup | $22.431 bilion (Maika-139) |
• Tunggal maysa a tao | $1,943 (Maika-172) |
Gini (2012) | 41.1 kalalainganna |
HDI (2019) | 0.510 ababa · Maika-170 |
Kuarta | Gourde (G) (HTG) |
Sona ti oras | UTC−5 (EST) |
• Kalgaw (DST) | UTC−4 (EDT) |
Pagmanehuan | kanawan |
Kodigo ti panagtawag | +509 |
Kodigo ti ISO 3166 | HT |
TLD ti internet | .ht |
Kasisigud a natagtagitao ti isla babaen dagiti indihenio a ttatao a Taíno, a nagtaud manipud iti Abagatan nga Amerika. Simmangpet dagiti immuna nga Europeano idi 5 Disiembre 1492 idi las-ud ti immuna a banniaga ni Christopher Columbus, nga immuna anamatmati a nabirukanna ti India wenno Tsina. Kanungpalan a napundar ni Columbus ti immuna a pagtaengan iti Kamerikaan, ti La Navidad, nga itan ket ti amianan akindaya nga aplaya ti Haiti. Ti isla ket tinunton babaen ti Espania ken nanaganan iti La Española, ken nangporma ti parte ti Imperio nga Espaniol aginggana idi nasapa a maika-17 a siglo. Nupay kasta, dagiti agsasalisal a tunton kadagiti pagtaengan babaen dagiti Pranses ket nakaiturongan ti pannakaited ti akinlaud a paset ti isla idi 1697, ken kanungpalan a nanaganan iti Saint-Domingue. Nangbangon dagiti Pranses a kolonista dagiti lukratibo a plantasion ti unas, nga inob-obraan dagiti adu a bilang dagiti aadipen a naiyeg manipud iti Aprika, a nangaramid iti kolonia a kas maysa kadagiti kabaknangan iti lubong.
Iti las-ud ti Pranses a Rebolusion (1789–99), dagiti aadipen ken dagiti nawaya a tattao ti kolor ket nangirugida iti Haitiano a Rebolusion (1791–1804), nga indauluan babaen ti maysa a dati nga aadipen ken ti immuna a nangisit a heneral iti Buyot Pranses, ni Toussaint Louverture. Kalpasan dagiti 12 a tawen a suppiat, dagiti puersa ni Napoleon Bonaparte ket inabak babaen ti simmaruno ken ni Louverture, ni Jean-Jacques Dessalines (intono kuan ket Emperador Jacques I), a nagirangarang ti kinaturay ti Haiti idi 1 Enero 1804—ti immuna a nawaya a pagilian iti Latin nga Amerika ken ti Karibe, ti maikadua a republika iti Kaamerikaan, ti immuna a pagilian a nangwaswas ti panagtagabu, ken ti kaikaisuna nga estado iti pakasaritaan a nabangon babaen ti maysa a naballigi a yaalsa ti aadipen. Mlaksid ken ni Alexandre Pétion, ti immuna a Presidente ti Republika, amin dagiti immuna a daulo ti Haiti ket dagidi dati a tagabu. Kalpasan ti maysa a nabiit a paset ti panawen a ti pagilian ket naguddua, inkaykaysa ni Presidente Jean-Pierre Boyer ti pagilian ken pinadasna nga inyeg ti sibubukel a Hispaniola babaen ti turay ti Haiti, ken nakairugian daytoy dagiti napaut a serye dagiti gubat a nagpatingga kadagiti tawen ti 1870 idi ti Haiti ket pormal a nangbigbig ti wayawaya ti Republika a Dominikano.
Dagiti midia a mainaig iti Haiti iti Wiki Commons
Pakaammo ti panagbiahe idiay Haiti manipud iti Wikivoyage (iti Ingles)
Wiki Atlas iti Haiti
This article uses material from the Wikipedia Ilokano article Haiti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.