Шаблон:Серпасыс абу
Щипачкин Александр Иванович | |
Чужан лун: | 1924-ӧд вося ода-кора тӧлысь 27-ӧд лун |
---|---|
Чужанін: | |
Кулан кад: | 1995-ӧд вося ӧшым тӧлысь 5-ӧд лун (71 ар) |
Куланін: | |
Канму: | |
Ошканпасъяс да премияяс: |
Щипачкин Александр Иванович (1924—1995) — Комиысь Слава ордена тыр кавалер (1944, 1944, 1946).
Александр Павлов чужӧма Улыс Вылькар обласьтысь Арзамас районса Медынцево грездын 1924-ӧд вося ода-кора тӧлысь 27-ӧд лунӧ крестьянин семьяын. Роч. Уджалӧма Горький карса мыссян-пывсян комбинатын электрослесарӧн.
1942-ӧд вося моз тӧлысьӧ Горький карысь Автозавод райвоенкомат босьтӧма Гӧрд Армияӧ. Айму вӧсна Ыджыд тыш вылын 1943-ӧд вося ода-кора тӧлысьсянь. Тышкасьӧма Степса да Мӧд Украинаса фронтъясын. Служитӧма медводз 69-ӧй армиясаын 121-ӧд торъя противотанкӧвӧй батальонын. Сёрӧнджык индӧмаӧсь разведчикӧн 95-ӧд торъя гвардейскӧй разведротаӧ. Тайӧ часьтыскӧд воӧма Верман лунӧдз.
95-ӧд торъя гвардейскӧй разведротаса стрелок-разведчик, гвардияса младшӧй сержант Александр Щипачкин 1944-ӧд вося лӧддза-номъя тӧлысь 11-ӧд лунӧ Буцулуку дорын босьтӧма да вайӧдӧма «вӧрӧгӧс», коді висьталӧма уна выль да колана юӧр. 93-ӧд гвардейскӧй стрелковӧй дивизияса командирлӧн 1944-ӧд вося сора тӧлысь 19-ӧд лунся приказӧн заданиесӧ бура вӧчӧмысь сылы сетӧма III тшупӧда Слава орден.
1944-ӧд вося моз тӧлысь 29-ӧд лунӧ Войнешти да Мироши гӧгӧрын разведчикъяс котыркӧд ӧтвылысь бырӧдӧма пулемёт расчот, пленӧ босьтӧмаӧсь нёльӧс. 27-ӧд армияса войскаяс серти 1944-ӧд вося йирым тӧлысь 13-ӧд лунся приказӧн задание бура вӧчӧмысь гвардияса младшӧй сержантлы сетӧма III тшупӧда Слава орден.
1945-ӧд вося рака тӧлысь 5-ӧд лунӧ Кална гӧгӧрын сержант А. И. Щипачкин разведчикъяс котыркӧд ӧтвылысь босьтӧма да вайӧдӧма «вӧрӧгӧс», коді висьталӧма уна выль да колана юӧр. СССР-са Вылыс Сӧветса Президиумлӧн 1946-ӧд вося ода-кора тӧлысь 15-ӧд лунся Шуӧмӧн командованиелысь заданиеяссӧ бура вӧчӧмысь гвардияса сержант А. И. Щипачкин сетӧма III тшупӧда Слава орден. Лоӧма Слава ордена тыр кавалерӧн.
1948-ӧд воын старшина званиеӧн А. И. Щипачкин мунӧма Сӧветскӧй Армияысь.
Медводдза кадӧ олӧма да уджалӧма Сахалинын, сэсся бергӧдчӧма гортас. Помалӧма Горький карын Туй техникум. 1975-ӧд воын сійӧс ыстӧмаӧсь уджавны Коми АССР-ӧ, Печорлесстройӧ. Уджалӧма крановщикӧн Кожва вӧр промхозса улыс складын, 1964-ӧд восянь олӧма Кӧджорӧм посёлокын. 1975-ӧд воын вуджӧма Печора карӧ. Уджалӧма крановщикӧн. Некымынысь сійӧс бӧрйылісны Печора карса сӧветӧ депутатӧн.
Кулӧма 1995-ӧд вося ӧшым тӧлысь 5-ӧд лунӧ.
А. И. Щипачкин нимӧн Печора карын шуӧма улича да ӧшӧдӧма казьтылана пӧв, кӧні сійӧ овлӧма.
This article uses material from the Wikipedia Коми article Щипачкин Александр Иванович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.