Тимин Владимир Васильевич: коми гижысь

Шаблон:Серпасыс абу

Тимин Владимир Васильевич
Чужан лун:

1937-ӧд вося сора тӧлысь 2-ӧд лун(1937-07-02)

Чужанін:
Кулан кад:

2015-ӧд вося вӧльгым тӧлысь 25-ӧд лун(2015-11-25) (78 арӧс)

Куланін:
Канму:
Мыйся уджыс:

гижысь, детский писатель, поэт

Ошканпасъяс да премияяс:
медаль ордена «За заслуги перед Отечеством» II степени медаль ордена «За заслуги перед Отечеством» I степени заслуженный работник культуры Российской Федерации

премия «Вавилонская башня»[d]

Тимин Владимир Васильевич (комиӧн – Игӧ Вась Володь; 1937—2015) — нималана коми гижысь, Коми Республикаса нимйӧза гижысь (2006).

Олан туй

Владимир Тимин чужӧма 1937 вося сора тöлысь 2 лунӧ Сыктывдін районысь Паджга сикт овмӧдчӧминӧ пырысь Гаръя грездын. 1958 воын помалӧма Печораса ювывса техникум да гожöмнас уджалiс «Волховстрой» пароход вылын механиклöн мöд отсасьысьöн. 1958–1962 воясӧ служитӧма Сöветскöй армияын, кöнi помалӧма механикъяслысь военно-авиационнöй школа да водзö служитӧма ракетнöй часьтъясын.

1962 воын пырӧма уджавны СССР-са наукаяс академияö (öнi – Коми наука шӧрин) приборъяс серти механикöн. Тöлысь мысти индӧмаӧсь электрооборудование серти инженерöн да экспериментальнöй мастерскöйясын начальникöн. 1963 воын уджысь орöдчытöг пырӧма велöдчыны Коми канмуса педагогика институтысь роч кыв да литература факультетö. 1965 воын вуджӧма уджавны СССР-са наукаяс академиялöн кыв да литература юкöнö — фольклор секторö. Фольклор экспедицияöн ветлӧма Ву, Уса да Косью пöлöнса сиктъясö. Ветлӧма командировкаö Таллиннö да Тартуö, кывзӧма университетын лекцияяс.

Академияын уджалiгöн некымын во чöж дикторалӧма республикаса радиоын. Уджалӧма Печора карын энергопоезд вылын электрооборудование серти специалистöн. Директоралӧма Сыктывдін районысь Зеленеч сиктса школаын. Уджалӧма телевидениелöн Сыктывкарса студияын ыджыд да медшöр редакторöн, Коми небöг лэдзанiнын медшöр редакторӧн, Республикаса Госкомиздатын (öнi — печать агентство) веськöдлысьӧн, «Войвыв кодзув» журналын медшöр редакторӧн.

Дыр кад чӧж вӧлӧма Коми Республикаса Гижысь котыр правлениелöн веськöдлысьöс вежысьӧн.

Кулӧма 2015 вося вӧльгым 25-ӧд лунӧ Сыктывкарын.

Гижан удж

Кывбуръяс гижны босьтчис Печораса техникумын на. Школаын, техникумын да армияын В.Тимин вöлi лэдзö стенгазетаяс да литературнöй альманахъяс, кöнi и вöлi йöзöдöны сылысь медводдза гижöмторъяссö.

Медводдза кывбурсö йöзöдiс 1963 воын «Войвыв кодзув» журналын, кор вöлi нин дась гижысьöн. Кывбурыслöн нимыс – «Пöрысь вöв». Сёрöнджык коми гижысь Елена Козлова гижис, мый Владимир Тимин пырис коми литератураö «Пöрысь вöв» вылын.

Гижан уджын эз тэрмöдлы асьсö. Гижысьлöн «Туйын да гортын» медводдза кывбур чукöр петiс 1971 воын – пöшти дас во мысти. Выль кывбур чукöръяс («И öтнам, и йöзкöд» (1979), «Йöзлань чужöмöн» (1987)) петкöдлiсны сылысь гижан сям кыпöдöмсö.

«Мича Ёма» кывбур чукӧрысь 1997 вося вӧльгым тӧлысь 29 лунö Матиас Кастрен котыр сетiс Владимир Тиминлы литератураысь премиа (Финляндия). Автор лои медводдзаöн, кодлы сетiсны тайö премиасö финн-йöгра гижысьяс пöвстын.

1997—1998 воясын «Войвыв кодзув» журнал йöзöдiс Тиминлысь «Эжва Перымса зонка» повесьт. 2000 воын повесьтсö йöзöдöма торъя небöгöн, а 2001 воын нин Коми небöг лэдзанiнын петiс роч кыв вылö вуджöдöмöн «Мальчик из Перми Вычегодской» ним улын. Вуджöдчысьыс — коми гижысь Елена Габова. Челядьлы лöсьöдöм историческöй повесьтысь Владимир Тиминлы сетöма Иван Куратов нима канмуса премиа. Роч вылысь 2006 воын Арво Валтон повесьтсö вуджöдöма сiдзжö эст кывйö. 2016 воын Паула Кокконен повесьтӧ фин кывйӧ вуджӧдӧма веськыда коми гижӧдсьыс «Tikö. Vähä-Permin poika» ним улын.

2011 воын Владимир Тиминлӧн «Важ пӧльяслӧн му вылын» небӧг шуӧма 2011 вося медбур небӧгӧн («коми кыв вылын» нимпасын).

Владимир Тиминлысь гижöдъяссö вуджöдöма роч, украина, эст, венгер да мукöд кыв вылö. Вуджӧдчысьяс: Андрей Попов, Елена Габова, Александр Суворов, Юрий Ионов, Надежда Мирошниченко, Александр Алшутов, Глеб Пагирев, Евгения Измайлова, Андрей Канев, Виктор Кушманов, Лидия Обольсина, Игорь Михайлов, Григорий Гончаров.

Тиминлöн кывбуръяс вылö лöсьöдöма сьыланкывъяс. Меднималана сьыланыс — «Тэ менам сьылан».

В.Тимин сiдзжö дасьтывлiс сценарийяс, на серти Коми республикаса телевидение студия пуктывлiс фильмъяс. Ачыс снимайтчис «Уляшевъяс» документальнӧй кинофильмын.

Общественнöй удж

1980-ӧд вояс помсянь зілис «Коми войтыр» ӧтмунӧмын.

Велöдöм

Владимир Тимин уна во чӧж (2000—2010) велӧдіс Том гижысьяслӧн гожся университетын. Дасьтіс том гижысьясӧс.

Небöгъяс

Йӧзӧдӧма 8 кывбур чукӧр да 4 проза небӧг.

Комиӧн

Роч кыв вылӧ вуджӧдӧмӧн

Наградаяс да премиаяс

Россияса наградаяс

Коми Республикаса наградаяс

  • Коми Республикаса Канму премиа босьтысь (1999)
  • Коми Республикаса нимйӧза гижысь (2006)
  • Коми Республикаса культураын нимӧдана уджалысь ([[]])
  • Коми Республикаса Почёта гражданин (2015)

Мукӧд

  • Сыктывдін районса Почёта гражданин (2003)

Öшмöсъяс

Ыстöдъяс

Tags:

Тимин Владимир Васильевич Олан туйТимин Владимир Васильевич Гижан уджТимин Владимир Васильевич Общественнöй уджТимин Владимир Васильевич ВелöдöмТимин Владимир Васильевич НебöгъясТимин Владимир Васильевич Наградаяс да премиаясТимин Владимир Васильевич ÖшмöсъясТимин Владимир Васильевич ЫстöдъясТимин Владимир Васильевич

🔥 Trending searches on Wiki Коми:

Вӧльгым тӧлысь 11-ӧд лун1925-ӧд воКосму тӧлысь 7-ӧд лун2015-ӧд воƇЫджыд БритмуИтальян кывПутин хуйло!1833-ӧд воКлингон кывКомпьютер1937-ӧд воАктеяБифренарияБеларусьВӧльгым тӧлысь 7-ӧд лунЙирым тӧлысь 30-ӧд лунПалладаХорватияСора тӧлысь 31-ӧд лунБолусиеллаԌ8 кӧчЫджыд БританияКитай кывМадридЧиган кывEria petiolataМедводдза мирӧвӧй тышСлавян кывъясЕвропа26 мозПышАфганистан1743 воПорошкин Александр ГригорьевичКоми му (газет)Худяев Вячеслав ИвановичАнгличан кывСора тӧлысь 29-ӧд лун1923-ӧд воȜГудаута2010-ӧд воясИнтерлингва (кыв)Шонді ылдӧсСингал кыв1797-ӧд во1000-ӧд воясФрансуз кывМыс (Кулӧмдін район)Горчаков Гений Дмитриевич2019-ӧд воМонголияМароккоУйба Владимир ВикторовичСаха (Якутия) республика2014-ӧд воСиндхи🡆 More