Сорвачёва Валентина Александровна: коми кыв туялысь
Шаблон:Серпасыс абу
| Сорвачёва Валентина Александровна | |
| Чужан лун: | 1923-ӧд вося урасьӧм тӧлысь 23-ӧд лун |
|---|---|
| Чужанін: | |
| Кулан кад: | 1977-ӧд вося лӧддза-номъя тӧлысь 12-ӧд лун (54 арӧс) |
| Куланін: | |
| Канму: | |
| Мыйся уджыс: | филолог |
Сорвачёва Валентина Александровна (1923—1977) — коми кыв туялысь, филологияса кандидат (1951).
Олан туй
Валентина Сорвачева чужӧма 1923 вося урасьӧм тӧлысь 23-ӧд лунӧ Тентюков сиктын (ӧні Сыктывкар юкӧн). 1939—1942 воясын велӧдчӧма Коми канмуса педагогика институт «роч кыв да литература» специальносьт серти. Помалӧм бӧрас 1945 вося моз тӧлысьӧдз велӧдӧма Усвавом районса школаясын. 1945 восянь уджалӧ СССР-са наукаяс академиялӧн Коми филиалын. 1946—1950 воясын велӧдчӧма Коми филиалса аспирантураын. А.С. Сидоровлӧн веськӧдлӧм улын дасьтӧма филологияса кандидат ним вылӧ диссертация («Морфологические особенности верхне-вашского говора») да 1951 вося рака тӧлысьӧ дорйӧма СССР-са наукаяс академиялӧн Кыв туялан институтын. Аспирантура бӧрын уджалӧма филиалса кыв секторын медводз младшӧй научнӧй сотрудникӧн, а сэсся старшӧй научнӧй сотрудникӧн.
Кулӧма 1977 вося лӧддза-номъя тӧлысь 12-ӧд лунӧ Сыктывкарын, гуалӧма тані жӧ.
Туясян удж
В.А. Сорвачёва туялӧма коми сёрнисикасъяс. Сійӧ лӧсьӧдӧма коми (зыряна) сёрнисикасъяс туялан уджтас.
Небӧгъяс
- Сравнительный словарь коми-зырянских диалектов / Сост. Жилина Т.И., Сорвачёва В.А., Сахарова М.А. — Сыктывкар, 1961. — 490 с.
- Сорвачева В.А., Сахарова М.А., Гуляев Е.С. Верхневычегодский диалект коми языка. — Сыктывкар: Коми книжное изд-во, 1966. — 252 с.
- Образцы коми-зырянской речи / Сост. Жилина Т.И., Сорвачёва В.А.; Под ред. Д.А. Тимушева. — Сыктывкар, 1971. — 311 с.
- Сорвачева В.А. Нижневычегодский диалект коми языка. — М., 1978.
- Сорвачева В.А., Безносикова Л.М. Удорский диалект коми языка. — М., 1990.
Наградаяс
- Коми АССР-са наукаын да культураын нимӧдана уджалысь
Ӧшмӧсъяс
- Туркин А.И. Сорвачёва Валентина Александровна // Коми язык. Энциклопедия / Отв. ред. Г.В. Федюнёва. — М.: Издательство ДиК, 1998. — С. 456—457.
- «Коми кыв» сайтын В.А. Сорвачева йылысь
Ыстӧдъяс
This article uses material from the Wikipedia Коми article Сорвачёва Валентина Александровна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.