Прокопей Лун
Прокопей лун (рочӧн Прокопьев день) — православнöй вичкоса ыджыд гаж, пасйöны сора тӧлысь 21 лунö
Сура празьник
Прокопей лун — сура праздник Кöрткерöс районса Пезмöгын, Позтыкерöсын, Ыджыдвиддзын да Выльыбын, Кулӧмдiн районса Мöдлапöлын да Пожӧгдінын, Емдiн районса Эжолтыын да Тыдорын (Аквад), Луздор районса Абъячой сикт улö пырысь Загаръяын да Шишкинпомын.
Позтыкерöсын асывнас вичкоын сьылöм бöрын кытшлалöны енъясöн сикт гöгöр, крестъяс дорын сьылöны. Вичкоö бöр локтöм бöрын сеталöны пуöм кукань яй. Куканьсö кöсйысьö сетны сиктсаяс пиысь öти морт, кодлöн коркö лёктор вöлi скöтыскöд (мöссö ош косялöма, вöйöма, вошöма).
Öбетнöй праздник
Тайö лунсö Мылдiн районса Покчаын вöдитöны öбетнöй празьник пыдди. Пондiсны празьничайтны сы бöрын, кыдзи Прокопей енлы кевмысьöм бöрын удайчис кусöдны ыпъялысь би. Олысьяс кöсйысьöмаöсь куим лун не уджавны да праздничайтны. Кöсйысьöмсӧ вунöдöм бӧрын муяс вылысь сотчöма став няньыс. Ен öбразöн вермöмаöсь бисö кусöдны да босьтчисны бара вöдитны Прокопей лун.
Шойнавывса крест дорын нуöдöны молебен. Гортас пызан сайын гöсьтъясöс вердöны некымын сикас рокöн, кисельöн, чужваöн. Ырöш кисьтöны ыджыд дозмукö, быдöн сыысь юышталö.
Эскöмъяс
Прокопей лунö турун оз ытшкыны, зорöд оз чöвтны — мыждöм пыдди Енмыс пö вермас чардбиöн лыйны зорöдас.
Медводдзаысь видлöны картупель, пöжалöны сыысь шаньга, заводитöны вотны оз.
Öшмöс
This article uses material from the Wikipedia Коми article Прокопей лун, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.